ᐊᑐᖅᑕᐅᓚᐅᖅᑐᓂᒃ ᐅᓂᒃᑳᑦ 1950 - 1975

ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ: ᓄᓇᓖᑦ ᑕᐃᔅᓱᒪᓂᑕᖏᑦ 1950ᒥ-1975ᒧᑦ ᐊᒻᒪᓗ ᕿᑭᖅᑕᓂ ᓱᓗᔪᒥᒃ ᑭᒡᓕᓯᓂᐊᖅᑏᑦ: ᐊᕕᑦᑐᖅᓯᒪᔪᑦ ᐅᓂᒃᑳᓕᐊᑦ ᐊᒻᒪᓗ ᖃᐅᔨᓴᕈᑏᑦ ᐊᔾᔨᐅᖏᑦᑐᑦ ᑭᒡᒐᖅᑐᐃᕗᑦ ᐃᓄᐃᑦ ᐊᑐᖅᓯᒪᔭᕕᓂᖏᓐᓂᒃ ᑕᕝᕙᓂ ᐊᕐᕌᒍᓂᑦ ᓵᓚᓯᐊᖑᔭᐅᓚᐅᖅᓯᒪᑎᓪᓗᒋᑦ, ᐃᓄᐃᑦ ᐅᓂᒃᑳᖅᑎᓪᓗᒋᑦ. ᑖᒃᑯᐊᑦ ᐅᓂᒃᑳᓕᐊᑦ ᑐᑭᓯᐅᒪᔾᔪᑎᑖᖅᑎᑦᑎᕗᑦ ᒐᕙᒪᒃᑯᑦ ᑐᑭᑖᕈᑎᒋᕙᑦᑕᕕᓂᖏᓐᓂᒃ ᑕᒪᒃᑯᐊᓗ ᑐᑭᑖᕈᑎᕕᓂᖏᑦ ᖃᓄᖅ ᐊᑦᑐᐃᓂᖃᕐᓂᕐᒥᖔᑕ ᐃᓄᖕᓄᑦ, ᓱᓕ ᐅᓪᓗᒥᒧᑦ ᐃᒃᐱᒋᔭᐅᕙᑦᑎᓪᓗᒋᑦ.

ᑖᓐᓇ ᐅᖃᓕᒫᒐᖅ ᑐᕌᖅᑎᑕᐅᕗᖅ ᕿᑭᖅᑕᓂ ᐃᓄᖏᓐᓄᑦ. ᐳᐃᒍᖅᑕᐅᓚᐅᖅᓯᒪᖁᙱᓚᕗᑦ ᑕᐃᔅᓱᒪᓂᑕᐃᑦ ᓂᐱᕗᓪᓗ.

ᐃᓗᓯᑦᑎᒍᑦ ᖃᓄᐃᓐᖏᓯᐊᕐᓂᖅ
ᐅᖃᐅᓯᖃᖅᑐᖅ ᖃᓄᖅ ᑕᒪᒃᑯᐊ ᐱᕙᓪᓕᐊᓂᕆᔭᐅᔪᑦ ᐊᒻᒪ ᐊᑦᑐᐃᔾᔪᑎᒋᔭᐅᔪᓪᓗ ᒐᕙᒪᒃᑯᑦ ᐋᓐᓂᐊᖃᕐᓇᓐᖏᑦᑐᓕᕆᓕᖅᑎᓪᓗᒋᑦ ᕿᑭᖅᑖᓗᒻᒥ 1950ᓂ 1975ᒧᑦ, ᐊᒻᒪᓗ ᐋᓐᓂᐊᕐᓂᕐᒧᑦ ᐃᓱᓕᒫᓘᑎᒋᔭᐅᔪᑦ ᓄᓇᓕᒃᑕᖃᓕᖅᑎᓪᓗᒋᑦ. 

ᐃᒡᓗᓕᕆᓂᖅ ᐃᒡᓗᓕᕆᔨᑦ ᕿᑭᕐᑖᓗᖕᓂ
ᒐᕙᒪᒃᑯᑦ ᐱᓂᐊᕐᓂᖏᑦ ᐃᓅᓰᑦ ᖃᓄᐃᓐᓂᕆᓂᐊᖅᑕᖏᓐᓄᑦ ᐊᒻᒪ ᐃᓪᓗᐃᑦ ᖃᔅᓯᓂ ᐊᑭᖃᕐᓂᐊᕐᓂᖏᓐᓄᑦ ᐱᔾᔪᑎᒋᔭᐅᓪᓗᐊᖅᑰᓚᐅᕐᒪᑕ ᓅᑉᐸᓪᓕᐊᑎᓪᓗᒋᑦ ᓄᓇᓕᖕᓄᑦ. ᐃᓚᖓ ᐅᖃᐅᓯᐅᓪᓗᐊᓚᐅᖅᑐᖅ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑎᒃᑯᓐᓄᑦ ᐅᑯᐊᒎᖅ ᒐᕙᒪᒃᑯᑦ ᐱᓂᐊᕐᓂᕆᓂᐊᓚᐅᖅᑕᖏᑦ ᑲᔪᓯᓚᐅᓐᖏᑦᑐᑦ. 

ᐃᓕᓐᓂᐊᕐᓂᖅ ᕿᑭᖅᑖᓗᖕᒥ
ᐅᓂᒃᑳᖅᓯᒪᔪᑦ ᖃᓄᖅ ᐊᑐᖅᑕᐅᓯᒪᔪᑐᖄᓗᖕᓂ ᐃᓄᐃᑦ ᐱᕈᖅᓰᖃᑦᑕᕐᓂᖏᑦ ᐊᓯᔾᔨᖅᑕᐅᓚᐅᕐᒪᑦ ᐃᓕᓐᓂᐊᖅᑎᑦᓯᓂᖅᓴᐅᓕᖅᖢᑎᒃ ᑕᒪᓐᓇ ᓱᕐᓗ ᖁᔭᓈᖅᑕᐅᓯᒪᓚᐅᕐᒪᑦ ᐃᓄᐃᑦ ᖃᓄᐃᓕᐅᖅᐸᒃᑕᖏᓐᓄᑦ, ᐃᓕᖅᑯᓯᖏᓐᓄᑦ ᐊᒻᒪ ᓂᕆᐅᒋᖃᑦᑕᖅᑕᖏᓐᓂᓪᓗ ᐊᒻᒪᓗ ᑲᔪᓯᖃᑦᑕᓐᖏᖦᖢᑎᒃ ᑐᕌᒐᒃᓴᕋᓗᐊᖏᑦ ᐃᓄᐃᑦ ᐸᕐᓇᒃᑕᐅᓇᓱᖔᓕᖅᖢᑎᒃ ᐃᖅᑲᓇᐃᔮᖃᕐᓂᕐᓄᑦ ᑮᓇᐅᔭᓕᐅᕐᓂᕐᓄᓪᓗ. 

ᓅᒋᐊᕐᓂᖏᑦ ᐃᓄᐃᑦ ᐃᓅᓯᖏᑦᑕ
ᐊᒥᓱᓄᑦ ᐊᕐᕌᒍᓄᑦ, ᐃᓄᐃᑦ ᓅᒃᑕᖅᑎᐅᓯᒪᖕᒪᑕ, ᓅᖃᑦᑕᖅᖢᑎᒃ ᓯᓚ ᖃᓄᐃᓕᖅᑎᓪᓗᒍ ᐆᒪᔪᓂ ᒪᓕᖃᑦᑕᖅᖢᑎᒃ. 1950 ᑭᖑᓂᖓᓂ, ᐃᓄᐃᑦ ᓅᖃᑦᑕᕐᓂᕆᔭᖏᑦ ᐊᓯᔾᔨᓚᐅᖅᓯᒪᔪᑦ. “ᓅᖃᑦᑕᕐᓂᖅ ᐃᓄᐃᑦ ᐃᓅᓯᖏᓐᓂᒃ” ᑕᒪᓐᓇᓕ ᕿᒥᕐᕈᓯᒪᓂᖃᖅᑐᖅ ᐊᔾᔨᒌᓐᖏᑦᑐᓂᒃ ᐊᖏᓯᒪᓪᓗᑎᒃ ᐃᓚᖏᑦ ᓅᖃᑦᑕᕐᓂᖏᑦ ᐊᒻᒪᓗ ᐃᓚᖏᑦ ᐊᖏᖅᓯᒪᓐᖏᖦᖢᑎᒃ ᓅᑎᑕᐅᖃᑦᑕᕐᓂᖏᑦ ᑕᒫᓂ 1950 ᑕᐃᑯᖓ 1975ᒧᑦ, ᓅᑎᑕᐅᖃᑦᑕᓚᐅᖅᑐᑦ ᒐᕙᓚᒃᑯᑦ ᐱᖁᔭᖏᓐᓂᒃ. 

ᐃᓱᒪᒋᐊᓐᖓᐅᑎᖏᑦ ᑲᓇᑕᒥ ᓵᓚᖃᑖᖅᑲᕐᓂᕐᒥᑦ: ᒐᕙᒪᒃᑯᑦ ᐊᖏᔪᖅᑲᐅᑎᑦ ᐱᔪᓐᓇᐅᑎᖃᖅᑐᑎᒃ ᐊᒻᒪᓗ ᕿᑭᖅᑖᓗᒻᒥ
“ᐃᓱᒪᐅᓯᕆᔭᐅᓚᐅᖅᑐᑦ ᑲᓇᑕ ᓄᓇᓕᒃᑖᖅᑎᑦᓯᕙᓪᓕᐊᑎᓪᓗᒋᑦ” ᒐᕙᒪᒃᑯᓐᓂᑦ ᓯᕗᓕᖅᑎᖏᑦ ᐊᒻᒪ ᕿᑭᖅᑖᓗᓪᓗ. ᑖᒃᑯᐊ ᐊᑐᐊᒐᐃᑦ ᒪᓕᒐᐃᓪᓗ ᐊᑐᓕᖅᑎᑕᐅᑎᓪᓗᒋᑦ ᐅᑭᐅᖅᑕᖅᑐᕐᒥ ᓇᓗᓇᐃᒃᑯᑕᓪᓚᕆᐅᓚᐅᕐᒪᑦ ᑕᒪᓐᓇ ᐊᓯᔾᔨᖅᐸᓪᓕᐊᓂᐊᕐᓂᖅ ᐱᕙᓪᓕᐊᖏᓐᓇᕐᓂᐊᓕᓚᐅᕐᒪᑦ, ᐊᒻᒪᓗ ᒐᕙᒪᒃᑯᑦ ᐱᔭᒃᓴᕆᓪᓗᓂᐅᒃ ᓇᓗᓇᐃᖅᓯᓗᑎᒃ ᐃᓄᐃᑦ ᐊᑐᐃᓐᓇᖃᑦᓯᐊᖅᑎᑕᐅᓂᖏᑦ ᐱᕚᓪᓕᕈᑎᒃᓴᓂᒃ ᑕᐃᒃᑯᑎᑑᓇ ᐊᓯᖏᑦᑎᑐᑦ ᑲᓇᑕᒥᐅᑕᐅᔪᓄᑦ. 

ᐱᐅᓯᐅᓯᒪᔪᖅ ᐸᓖᓯᓄᑦ ᕿᑭᖅᑖᓗᒻᒥ
ᐸᓖᓯᒃᑯᑦ ᐊᒻᒪ ᐃᓄᐃᓪᓗ ᖃᐅᔨᒪᖃᑦᑕᐅᑎᑦᓯᐊᕐᖓᑕ ᖃᓄᐃᓕᐅᕈᑕᐅᓯᒪᔪᓂ ᕿᑭᖅᑖᓗᒻᒥ ᑕᐃᑯᖓ ᐅᑎᖅᑐᓄᑦ 1920ᓄᑦ ᐸᓖᓯᒃᑯᑦ ᐃᓄᐃᑦ ᓄᓇᖏᓐᓅᖃᑦᑕᓕᖅᑎᓪᓗᒋᑦ. “ᐸᓖᓯᓕᕆᓂᖅ” ᐸᐃᑉᐹᑦ ᐅᖃᖅᓯᒪᖕᒪᑕ ᖃᓄᐃᓕᐅᖃᑎᒌᖕᓂᖏᑦ ᓴᖅᑭᑦᑐᖃᐃᓐᓇᐅᔭᕐᒪᑦ ᐊᑲᐅᓐᖏᓕᐅᕈᑎᓂᒃ
ᑐᑭᓯᓂᕐᓗᑎᒋᔭᐅᔪᓂᓪᓗ.

ᐱᕙᓪᓕᐊᔪᓕᕆᓂᖅ ᒪᑭᒪᔾᔪᑎᔅᓴᓕᕆᓂᖅ ᕿᑭᖅᑖᓗᒻᒥ
ᕿᒥᕐᕈᓯᒪᓂᖃᖅᑐᖅ ᖃᓄᖅ ᕿᑭᖅᑖᓗᒃ ᐊᓯᔾᔨᖅᐸᓪᓕᐊᓚᐅᕐᒪᖔᑦ ᐱᕙᓪᓕᐊᓂᖅ ᐃᓱᒪᒋᓪᓗᒍ ᒥᑭᒋᐊᖅᑎᓪᓗᐊᑕᐅᓚᐅᖅᓯᒪᑎᓪᓗᒋᑦ ᐊᖑᓇᓱᒃᑎᓪᓗᐊᑕᐅᑎᓪᓗᒋᓪᓗ, ᐊᑐᖔᓕᖅᖢᑎᒃ ᖃᓪᓗᓈᓄᑦ ᐋᖅᑭᒃᑕᐅᓯᒪᔪᒥᒃ.

ᕿᒻᒥᓕᕆᓂᖅ: ᐃᓄᐃᑦ ᕿᒧᒃᓯᐅᑎᖏᑦ ᕿᒻᒦᑦ ᕿᑭᖅᑖᓗᒻᒥ
ᑖᓐᓇᓕ ᐅᖃᐅᓯᖃᖅᑐᖅ ᖃᓄᖅ ᑖᒃᑯᐊ ᕿᒻᒦᑦ ᐊᑐᖅᑕᐅᕙᓚᐅᕐᓂᖏᓐᓄᑦ ᐃᓄᐃᑦ ᐱᕙᓪᓕᐊᓂᕆᔭᖏᓐᓂᒃ ᐃᓕᖅᑯᓯᕆᔭᖓᓐᓂ ᐊᒻᒪᓗ ᖃᓄᖅ ᐊᐅᓚᑕᐅᓚᐅᕐᓂᖏᑦ ᕿᒻᒦᑦ ᐃᓄᐃᑦ ᓅᑉᐸᓪᓕᐊᓕᖅᑎᓪᓗᒋᑦ ᓄᓇᓕᖕᓄᑦ ᐊᒻᒪᓗ ᖃᓄᖅ ᑕᒪᓐᓇ ᐱᓕᕆᖃᑎᒌᖕᓂᐅᓚᐅᖅᓯᒪᔪᖅ ᐃᓄᖕᓄᑦ ᐸᓖᓯᒃᑯᓐᓄᑦ ᓯᖁᒥᑕᐅᓯᒪᓕᖅᑎᓪᓗᒍ ᐊᓯᖏᓪᓗ ᒐᕙᒪᐅᔪᓂᓪᓗ ᕿᒻᒦᔭᖅᑕᐅᑎᓪᓗᒋᑦ ᐃᓅᓯᖅᐱᒋᐊᓚᐅᖅᑎᓪᓗᒍ, ᕿᒻᒦᑦ ᐱᒻᒪᕆᐅᑎᑕᐅᖏᓐᓇᖅᑐᑦ ᐃᓄᖕᓄᑦ”, ᐃᓚᖓ ᐃᓄᒃ ᐅᖃᓪᓚᓚᐅᖅᑐᖅ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑎᒃᑯᓐᓄᑦ. 

ᕿᒥᕐᕈᔭᐅᓂᖏᑦ ᐸᓖᓯᒃᑯᑦ ᐊᒻᒪᓗ ᐃᓄᐃᑦ ᕿᒻᒦᔭᖅᑕᐅᓂᖏᑕ ᒥᒃᓵᓄᑦ ᐅᓂᒃᑳᑦ
ᓯᕗᓪᓕᖅᐹᖏᓐᓂᑦ ᐅᓂᒃᑳᓕᐊᓂᑦ, ᖃᐅᔨᓴᖅᑕᐅᓂᖏᑦ ᐸᓖᓯᒃᑯᑦ ᐊᒻᒪ ᐃᓄᐃᑦ ᕿᒧᒃᓯᐅᑎᖏᑦ ᕿᒻᒥᖏᑦ (2006) ᐅᓂᒃᑳᖏᑦ” ᑖᓐᓇ ᐅᖃᐅᓯᖃᖅᑐᖅ ᐸᓖᓯᒃᑯᑦ ᕿᒻᒦᔭᖃᑦᑕᓚᐅᖅᑎᓪᓗᒋᑦ ᐃᓄᐃᑦ ᕿᒻᒥᖏᓐᓂᒃ ᓄᓇᓕᖕᓂ ᓄᓇᕗᒥ ᑯᐸᐃᑉᓗ ᐅᐊᖕᓇᖓᓂ ᑕᒫᓂ 1950ᓂᑦ ᑕᐃᑯᖓ 1970ᓄᑦ. 

 

ᐊᑐᐊᕋᔅᓴᐃᑦ ᐅᓂᒃᑳᑦ ᒥᔅᓵᓄᑦ

ᑖᓐᓇ ᐅᖃᓕᒫᒐᖅ ᒪᓕᒐᒃᓴᓕᐊᖑᓯᒪᔪᖅ ᖁᓕᐅᓐᖏᓪᓗᐊᖅᑐᓄᑦ ᐊᔾᔨᐅᓐᖏᑦᑐᒃᑯᑦ ᖃᐅᔨᓴᕈᑎᒋᔭᐅᓚᐅᖅᑐᓂᒃ ᐊᒻᒪᓗ 13ᓄᑦ ᓄᓇᓕᓐᓂ ᐅᓂᒃᑳᓕᐊᓂᒃ ᓴᖅᑭᑎᑕᐅᓯᒪᔪᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᓐᓄ ᐊᑐᖁᓪᓗᒋᑦ. ᐊᒥᓲᓂᖏᑦ ᓄᓇᓖᑦ ᑕᐃᒫᒃ ᐱᓕᕆᐊᖃᖅᑐᖃᓚᐅᖅᓯᒪᓐᖏᑦᑐᖅ ᓈᒪᔪᓂᒃ ᐅᓂᒃᑳᓕᐅᓚᐅᖅᑎᓪᓗᒋᑦ.