ᐋᓐᓂᐊᔪᓕᕆᓂᖅ: ᐋᓐᓂᐊᔪᓂᑦ ᑲᒪᒋᔭᖃᕐᓂᖅ
ᐊᓐᓇᐅᒪᓇᓱᖕᓂᖅ: ᐱᓕᕆᓂᐅᕙᑦᑐᒥᓃᑦ ᐊᒻᒪᓗ ᐱᓕᕆᔪᓐᓇᕐᓂᖏᑦ ᐊᓐᓂᐅᒪᓇᓱᑦᑐᑎᒃ ᐃᓅᓯᖏᓐᓂ; ᖃᐅᑕᒫᑦ ᐃᓅᓇᓱᓐᓂᖅ ᐊᓐᓇᐅᒪᓇᓱᓐᓂᕐᓗ ᐱᔭᕆᐊᑐᒐᓗᐊᖅᑎᓪᓗᒍ, ᐊᓐᓇᐅᒪᔾᔪᑎᒋᔪᓐᓇᖅᑕᖏᓐᓂᒃ ᐱᓇᓱᐊᕐᐸᑦᑐᑎᒃ, ᓱᓇᒃᑯᑖᖃᑦᑎᐊᕐᓂᐊᕋᒥᒃ ᐊᒻᒪᓗ ᓇᒻᒥᓂᕐᓱᕈᓐᓇᑎᐊᕐᓂᐊᕋᒥᒃ
ᒐᕙᒪᒃᑯᑦ ᐃᓱᒪᓕᐅᕈᑎᕕᓂᖏᑦ: ᑕᐃᔅᓱᒪᓂ ᒐᕙᒪᒃᑯᑦ ᐊᑐᐊᒐᒥᓂᖏᑦ ᐱᐅᓯᒥᓂᖏᓪᓗ
ᐃᒡᓗᓕᕆᓂᖅ: ᐱᓕᕆᓂᐅᕙᑦᑐᒥᓃᑦ ᑲᒪᒋᔭᖃᕐᓂᕆᕙᑦᑕᒥᓂᖏᓪᓗ ᐃᓄᓕᒫᓄᑦ ᐃᓪᓗᓕᕆᓂᕐᒥ; ᐃᓪᓗᓕᕆᔨᒃᑯᑦ
ᐃᓄᐃᑦ ᓄᓇᒋᕙᒃᑕᖓᑦ: ᓄᓇᒋᔭᐅᒐᔪᑉᐸᑦᑐᒥᓃᑦ ᐱᖅᑯᓯᖅᑎᒍᑦ ᐊᖏᕐᕋᐅᓪᓗᓂ ᐊᖑᓇᓱᕝᕕᐅᕙᑦᑐᓂ ᓂᕿᔅᓴᕐᓯᐅᕐᕕᐅᕙᑦᑐᓂ; ᐊᖏᕐᕋᕆᔭᐅᓪᓗᓂ ᐃᓄᓐᓄᑦ ᐊᐅᓪᓛᖅᑎᑕᐅᓚᐅᖅᑎᓐᓇᒋᑦ ᓱᓕ ᐃᓪᓗᓄᑦ ᓄᓇᒌᓐᓇᖃᑦᑕᕐᓂᐊᓕᖅᑕᖏᓐᓂ
ᐃᓕᓐᓂᐊᕐᓂᖅ: ᖃᐅᔾᔨᑎᒋᙱᑕᖏᓐᓂᒃ ᐃᓕᓐᓂᐊᖅᑎᑕᐅᓪᓚᑦᑖᕐᓂᖅ ᐃᓕᓐᓂᐊᕐᓂᓕᕆᔾᔪᓯᖅᑎᒍᑦ
ᐃᒥᐊᓗᒃ: ᐃᒥᐊᓗᒃ
ᑲᑎᑕᐅᔪᑦ: ᑲᑎᑕᐅᔪᑦ ᐊᑕᐅᑦᑎᒧᑦ ᐋᖅᑭᓱᖅᑕᐅᓪᓗᑎᓪᓗ
ᓅᑕᐅᓂᖅ: ᓅᑕᐅᓂᖅ ᓄᓇᖓᑕ ᐊᓯᐊᓄᑦ, ᐃᓱᒪᕐᓱᖅᑎᑕᐅᒐᑎᒃ ᐅᕝᕙᓘᓐᓃᑦ ᐊᖏᕐᓯᒪᑎᓐᓇᒋᑦ ᐅᕝᕙᓘᓐᓃᑦ ᑐᑭᓯᒋᐊᕐᕕᐅᓯᒪᒐᑎᒃ ᐱᔾᔪᑎᒋᓪᓗᒍ ᓈᒻᒪᑦᑐᓂᑦ ᑐᑭᓯᐅᒪᔾᔪᑎᔅᓴᖅᑕᖃᑦᑎᐊᖏᓐᓂᖓ ᖃᐅᔨᒃᑲᖅᑕᐅᓯᒪᓗᑎᒃ ᑐᑭᑖᕈᑎᖃᕈᓐᓇᕋᔭᖅᑎᓪᓗᒋᑦ
ᐸᓖᓯᒃᑯᑦ: ᒪᓕᒐᓕᕆᔩᑦ
ᐱᑦᑕᐃᓕᓂᖅ: ᐱᔮᖅᑯᒻᒥᑦ ᐊᖏᕐᓯᒪᙱᓐᓂᖅ ᐅᕝᕙᓘᓐᓃᑦ ᐱᖃᑕᐅᑦᑕᐃᓕᓂᖅ ᐊᑐᖅᑕᐅᔭᕆᐊᖃᙱᑦᑐᒥᒃ ᐅᕝᕙᓘᓐᓃᑦ ᐊᑐᖅᑕᐅᑎᑕᐅᑦᑕᐃᓕᔪᒥ ᐱᔾᔪᑎᒋᓪᓗᒍ ᐱᐅᓯᖓᑦ, ᓄᓇᖅᑲᑎᒌᑦ ᐅᑉᐱᕆᔭᖏᑦ ᐱᐅᓯᕆᒐᔪᑦᑕᖏᓪᓗ, ᐃᒪᐃᑦᑑᒐᔪᑦᑐᖅ ᐱᖅᑯᓯᖅ ᐅᕝᕙᓘᓐᓃᑦ ᐱᐅᓯᖅ, ᑕᐃᒫᒃ ᐊᑦᑐᐊᒐᔪᒻᒪᑦ ᐋᖅᑭᓱᖅᑕᐅᓯᒪᔪᓄᑦ ᐃᓱᒪᑐᓂᕐᒥᓪᓗ ᐱᐅᓯᖃᕐᓂᕐᒧᑦ ᓯᕗᓪᓕᐅᒐᔪᑦᑐᓂ ᐊᐅᓚᔾᔭᐃᒋᐊᕐᓂᕐᒧᑦ ᑐᙵᕕᐅᓪᓗᓂ, ᑐᕌᒐᐅᓪᓗᓂ ᐊᒻᒪᓗ ᐱᔪᒥᓇᓲᖑᓪᓗᓂ ᒪᓕᓐᓂᕐᒧᑦ
ᐱᕙᓪᓕᐊᔪᓕᕆᓂᖅ: ᐱᓕᕆᓂᖏᑦ ᐱᕙᓪᓕᐊᑎᑦᑎᓂᕐᒥ ᑲᒪᒋᔭᐅᒐᔪᓲᖅ ᐱᕙᓪᓕᐊᔪᓕᕆᔨᒧᑦ; ᐊᑐᐊᒐᖅ ᐅᕝᕙᓘᓐᓃᑦ ᐱᐅᓯᖅ ᐱᕙᓪᓕᐊᑎᑦᑎᓂᕐᒧᑦ ᐃᓚᒋᔭᐅᓪᓗᓂ ᑮᓇᐅᔭᓕᐅᕋᓱᐊᕈᑎᔅᓴᓂᑦ ᐱᕙᓪᓕᐊᔪᓕᕆᓂᖅ; ᐱᓕᕆᓃᑦ ᐱᔾᔪᑎᓖᑦ ᓄᑖᓂᑦ ᐅᕝᕙᓘᓐᓃᑦ ᒫᓐᓇ ᖃᓄᐃᓕᐅᕈᑕᐅᔪᓂᑦ ᑭᓱᑐᐃᓐᓇᖅ ᓄᑖᖅ ᓴᖅᑭᖅᑐᖅ ᓄᓇᓕᓐᓂᑦ
ᖃᕐᒪᖅ: ᐃᓪᓗ ᑐᐱᐅᒐᓂ ᐅᕝᕙᓘᓐᓃᑦ ᐊᐳᒻᒥᑦ ᓴᓇᓯᒪᒐᓂ ᐃᓪᓗᕋᓛᖑᒐᓂᓗ, ᓴᓇᔭᐅᓯᒪᓲᖅ ᐃᔾᔪᒥᒃ, ᐅᔭᖅᑲᒥᒃ, ᕿᔪᒻᒥᒃ, ᑐᐱᔅᓴᔭᒥᒃ ᐅᕝᕙᓘᓐᓃᑦ ᑲᑎᓯᒪᓪᓗᒋᑦ ᓇᓕᑐᐃᓐᓇᖏᑦ ᑖᒃᑯᐊ
ᕿᒻᒦᑦ: ᐃᓄᐃᑦ ᕿᒧᔅᓯᖏᑦ
ᓴᐃᒻᒪᖃᑎᒌᓐᓂᖅ: ᐅᐊᑦᑎᐊᕈ ᐊᑭᓕᕇᒥᓃᑦ ᑲᑎᒃᑲᓐᓂᕋᐃᒻᒪᑕ ᑲᑎᓂᐊᖅᑐᑎᒃ, ᓴᐃᒻᒪᖃᑎᒌᓐᓂᐊᕋᒥᒃ ᐃᓅᖃᑎᒌᑦᑎᐊᓕᕐᓗᑎᓪᓗ ᐱᓗᐊᖅᑐᒥ ᐊᑲᐅᙱᓕᐅᕈᑎᖃᖅᑐᒥᓂᐅᓚᐅᖅᑎᓪᓗᒋ; ᓴᐃᒻᒪᕐᓂᐊᕋᒥᒃ
ᑐᑭᓯᐅᒪᖃᑦᑕᐅᑎᓇᓱᐊᕐᓂᖅ: ᑐᑭᓯᐅᒪᖃᑦᑕᐅᑎᒐᓱᐊᕐᓂᖅ ᐱᔾᔪᑎᒋᓪᓗᒋᑦ ᐊᔾᔨᒌᙱᑐᒡᒍᑎᐅᓂᖏᓐᓂᒃ ᐃᓕᖅᑯᓯᖅᑎᒍᑦ.