ᔮᓯ ᑎᒨᑎ ᒥᑦᓯᒪ

QTQK27IN

ᔮᓯ ᑎᒨᑎ ᒥᑦᓯᒪ ᓱᓕᓪᓗᓂ ᐅᓂᒃᑳᕆᐊᓚᐅᖅᑐᖅ ᐊᐅᓚᔨᓪᓗᓂ ᑲᑐᔾᔭᐅᕙᓚᐅᕐᓂᕐᒥᓂᒃ ᓱᒃᑯᔨᐊᕆᔭᐅᖃᑦᑕᖅᓱᓂ ᐃᓕᓐᓂᐊᕐᓂᕐᒥᓂ ᓂᐊᖅᑯᖑᓂ ᐃᓕᓐᓂᐊᕐᕕᖕᒥ ᐊᒻᒪᓗ Sir Martin Frobisher−ᒥ ᐃᓕᓐᓂᐊᕐᕕᖕᓂ 1965-ᒥᒃ 1970−ᒧᑦ. ᐊᐅᓚᓕᔪᖅ ᐱᓗᐊᖅᑐᒥᒃ ᓱᒃᑯᔨᐊᕆᔭᐅᔪᕐᔪᐊᒻᒪᕆᐊᓘᓂᕕᓂᕐᒥᓂᒃ ᐊᖓᔪᖃᕐᒥᒃ ᐃᓕᓐᓂᐊᕐᕕᖕᓂ ᐅᑭᐅᖃᓕᖅᓱᓂ 8−ᓂᒃ, ᓴᐳᓐᓂᐊᖅᓯᒪᓇᓱᐊᖅᓱᓂ ᒪᕐᕈᖕᓂᒃ ᐳᐊᑎᑮᖕᓂᒃ (ᕿᕐᓂᖅᑐᓂᒃ) ᐊᕐᓇᓂᒃ ᐱᔭᕆᔭᐅᔪᓂᒃ ᐃᓕᓐᓂᐊᕐᕕᖕᒥ. ᔮᖅ ᓱᓕᓪᓗᓂ ᐅᓂᒃᑳᖅᑐᖅ ᐊᐅᓚᔨᓂᕐᒥᓂᒃᑕᐅᖅ ᐃᓚᖓᓂᒃ ᕿᒻᒥᓂ ᖁᑭᖅᑕᐅᓚᖅᓯᒪᔪᒥᒃ ᓂᐊᖁᖐᒥ ᖃᖃᒥ. ᐅᖃᖅᑐᖅ ᕿᒻᒥᖅ ᖁᑭᖅᑕᐅᓚᐅᖅᓯᒪᓂᖓᓂᒃ ᐊᓖᓯᒃᑯᒧᑦ ᐃᑲᔪᖅᑎᒧᑦ ᐹᓪ ᐃᑦᓚᐅᒻᒧᑦ, ᒪᓕᖁᔭᐅᓪᓗᓂ ᑎᓕᔭᐅᓂᕐᒥᓂᒃ ᐊᓯᐊᓄᑦ ᖃᓗᓈᒧᑦ ᐸᓖᓯᒧᑦ. ᐅᖃᓚᐅᖅᑐᖅ ᕿᒻᒥᖓ ᐃᐲᖅᑕᐅᓚᐅᖅᓯᒪᔪᖅ ᐹᓪ ᐃᑦᓚᐅᒻᒧᑦ. ᕿᒻᒥᖅ ᖁᑭᖅᑕᐅᓚᐅᖅᓯᒪᔪᖅ ᕿᒫᑎᓪᓗᒍ ᔫᓯᒧᑦ, ᐃᖕᒥᓂᒃᑕᐅᖅ ᐅᓗᕆᐊᓇᖅᑐᒦᖃᑕᐅᓕᖅᓱᓂ. ᓲᓯ ᐃᖃᐅᒪᔪᖅ ᐊᑖᑕᖓᑕ ᓂᖓᐅᒪᓂᖓᓂᒃ ᑭᖑᓂᐊᒍᑦ. ᐃᖅᑲᐅᒪᔪᖅ ᐊᑖᑖᖓ ᖁᑭᖅᓯᔪᒪᓂᖓᓂᒃ ᐸᓕᓯᒥᒃ, ᑭᓯᐊᓂ ᑕᐃᓐᓇᓗ, ᐃᓅᖃᑎᖏᓪᓗ ᐊᓐᓂᖅᑐᐃᓚᐅᖅᓯᒪᔪᑦ ᐸᓖᓯᒥᒃ ᐊᖓᔪᖄᕆᔭᐅᔪᒥᒃ. ᐃᖅᑲᖅᑐᒐᒃᓴᓐᖑᖅᑎᑕᐅᓚᐅᖅᓯᒪᖏᑦᑐᑦ ᑭᖑᓂᐊᒍᑦ. ᔪᓯ ᐃᓱᒪᖃᖅᑐᖅ ᖃᖑᓱᖕᓂᕐᒥᒥᓂᒃ ᑲᓇᑕᐅᑉ ᒐᕙᒪᒃᑯᖏᑦ ᒪᒥᐊᓐᓇᕐᓂᕋᐃᓚᐅᖅᓯᒪᖏᓐᓂᖏᓐᓂᒃ ᕿᒦᑦ ᑐᖁᕋᖅᑕᐅᓯᒪᓂᕕᓂᖏᓐᓂᒃ, ᑎᒍᔭᐅᓯᒪᓂᖏᓐᓂᓗ ᐃᓄᐃᑦ ᐊᖏᕐᕋᖏᑦ ᐃᑲᔪᖅᑎᐅᓂᖏᓐᓄ ᐃᓄᖕᓄᑦ ᑲᓇᑕᒥᐅᑕᐅᖃᑕᐅᔪᓂ.