ᓴᐃᓚᓯ ᐊᕐᓇᖅᑯᖅ

QTQK26IN

ᓴᐃᓚᓯ ᐊᕐᓇᖅᑯᖅ ᐸᖕᓂᖅᑑᑉ ᖃᓂᒋᔮᓂ ᐃᓅᓚᐅᖅᓯᒪᔪᖅ 1937-ᒥ. ᓴᐃᓚᓯ ᐊᕐᓇᖅᑯᖅ ᐸᖕᓂᖅᑑᑉ ᖃᓂᒋᔮᓂ ᐃᓅᓚᐅᖅᓯᒪᔪᖅ. ᕿᒧᒃᓯᖅᖢᓂ ᐸᖕᓂᖅᑑᕐᒧᑦ ᖃᓪᓗᓇᔾᔨᐊᓚᐅᖅᓯᒪᔪᖅ 1961-ᒥ, ᐊᒻᒪᓗ ᑕᐃᑲᓃᓐᓂᖓᓂ ᐱᖓᓱᑦ ᕿᒻᒥᖏᑦ ᐃᐲᕐᓂᕐᒪᑕ ᐸᓖᓯᒃᑯᓐᓄᑦ ᖁᑭᖅᑕᐅᓚᐅᖅᓯᒪᔪᑦ, ᕿᒻᒥᓕᒫᖏᑦ 18-ᖑᑎᓪᓗᒋᑦ. ᓴᐃᓚᓯ ᐅᖃᓚᐅᖅᑐᖅ ᓯᕗᕐᖓᓂ ᐅᖃᐅᔾᔭᐅᕙᒌᖅᓯᒪᓚᐅᓐᖏᓐᓂᕐᒥᓂᒃ. ᐃᖅᑲᐅᒪᔪᖅ ᐃᓄᐃᑦ ᐸᖕᓂᖅᑑᕐᒧᑦ ᓄᒃᑎᖅᑕᐅᓚᐅᖅᓯᒪᓂᖏᓐᓂᒃ ᐸᓖᓯᒃᑯᓐᓄᑦ. ᓴᐃᓚᓯ ᓄᒃᑎᓚᐅᖅᓯᒪᔪᖅ ᕿᒻᒥᖏᑦ ᐊᑕᖏᑲᓴᒃᖢᑎᒃ ᑐᖁᕋᕐᒪᑕ ᐋᓐᓂᐊᕐᓂᕐᒧᑦ, ᐊᒻᒪᓗ ᐱᖓᓱᐃᓐᓇᑯᓗᖕᓂᒃ ᐊᒥᐊᒃᑯᓪᓗᓂ. ᐃᖅᑲᐅᒪᔪᖅ ᐸᖕᓂᖅᑑᕐᒧᑦ ᓂᐅᔭᐅᓚᐅᖅᓯᒪᓂᕕᓂᕐᒥᓂᒃ ᖃᓄᐃᓕᐅᕐᓂᐊᕐᒪᖔᑦ ᐅᖃᐅᔾᔭᐅᓐᖏᑦᑎᐊᖅᖢᓂ ᐃᑲᔪᖅᑕᐅᓐᖏᑦᑎᐊᖅᖢᓂᓘᓐᓃᑦ. ᓄᓕᐊᕇᒃ ᓄᒃᑎᕋᒥᒃ ᑐᐱᕐᒥᐅᑕᐅᓚᐅᖅᓯᒪᔫᒃ, ᐃᖅᑲᐅᒪᓪᓗᓂᓗ ᕿᐅᓐᓇᖅᑐᐊᓘᓚᐅᕐᓂᖓᓂᒃ. ᓴᐃᓚᓯ ᖃᒧᑕᐅᔭᖅᑖᓕᓚᐅᖅᓯᒪᔪᖅ, ᕿᒻᒥᓂᒃ ᐱᕈᖅᓴᐃᒃᑲᓐᓂᕋᓱᓐᖏᓕᖅᖢᓂ. ᐸᖕᓂᖅᑑᕐᒥᐅᑕᐅᓚᐅᖅᖢᓂ, ᓄᒃᑎᓚᐅᖅᓯᒪᔪᖅ ᐊᐅᓱᐃᑦᑐᕐᒧᑦ, ᖃᐅᓱᐃᑦᑐᕐᒧᑦ ᐊᒻᒪᓗ ᕿᑭᖅᑕᕐᔪᐊᕐᒧᑦ.