ᐸᑦ ᓇᕕᐅᓪ

QTOT03IN

ᐸᑦ ᓇᕕᐅᓪ ᐃᓅᓚᐅᖅᓯᒪᔪᖅ ᐸᒻᐳᕈᒃᒥ 1925-ᖑᑎᓪᓗᒍ. ᐃᖅᑲᓇᐃᔭᓚᐅᖅᓯᒪᔪᖅ ᐃᓄᓕᕆᔨᑐᖃᒃᑯᑦ ᐅᑭᐅᖅᑕᖅᑐᓕᕆᕝᕕᖓᓂ, ᐊᒻᒪᓗ 1962-ᖑᓕᖅᑎᓪᓗᒍ ᐊᖓᔪᖅᑳᓐᖑᓚᐅᖅᓯᒪᓪᓗᓂ ᐃᓄᓕᕆᔨᖃᕐᕕᖏᓐᓄᑦ. ᐊᐅᓪᓚᖅᑎᑕᐅᔪᒪᒐᒥ ᖃᐅᓱᐃᑦᑐᕐᒧᐊᓚᐅᖅᓯᒪᔪᖅ, ᐊᒻᒪᓗ ᑕᐅᕙᓂ ᐋᓐᓂᐊᕕᖕᒥ ᐃᖅᑲᓇᐃᔭᓚᐅᖅᓯᒪᓪᓗᓂ ᐊᐅᐸᓪᓛᔪᐊᓘᑎᓪᓗᒋᑦ. ᐸᑦ ᐃᖃᓗᖕᓄᐊᖅᑕᐅᓕᓚᐅᖅᓯᒪᔪᖅ ᐅᖅᑯᕐᒥᐅᓂᒃ ᑲᒪᔨᐅᖁᔭᐅᓪᓗᓂ, ᐊᒻᒪᓗ 1957-ᒥᑦ 1958-ᒧᑦ ᐃᖃᓗᖕᓂ ᐱᔪᓐᓃᖅᓴᕐᕕᖕᒥᒃ ᓴᖅᑭᑦᑎᖃᑕᐅᓚᐅᖅᓯᒪᓪᓗᓂ. 1958-ᒥ ᑭᕙᓪᓕᕐᒧᐊᖅᑎᑕᐅᓕᓚᐅᖅᓯᒪᔪᖅ ᐃᑲᔪᕐᓂᐊᕐᒪᑦ ᑲᖏᖅᖠᓂᕐᒧᑦ ᐃᓄᐃᑦ ᓄᒃᑎᖅᑕᐅᕙᓪᓕᐊᓕᖅᑎᓪᓗᒋᑦ. ᐸᑦ ᐅᓂᒃᑲᐅᓯᖃᓚᐅᖅᑐᖅ ᐃᒡᓗᓕᕆᓂᕐᒥᒃ, ᐊᒻᒪᓗ ᐅᑭᐅᖅᑕᖅᑐᖅ ᓱᑲᑦᑐᐊᓗᒃᑯᑦ ᐊᓯᔾᔨᖅᐸᓪᓕᐊᓂᕆᓚᐅᖅᑕᖓᓐᓂᒃ. ᐃᓄᐃᑦ ᐊᑲᐅᓐᖏᓕᐅᕈᑎᖏᓐᓂᒃ ᐅᓂᒃᑲᐅᓯᖃᓚᐅᕐᒥᔪᖅ ᐱᔾᔪᑎᓕᖕᓂᒃ ᐃᓄᐃᑦ ᓂᕿᒃᓴᖅᓯᐊᕈᓐᓇᐃᓪᓕᐅᖅᑲᑎᓪᓗᒋᑦ ᕿᒥᖅᑯᑎᒃᓴᓂᒃ, ᐊᒻᒪᓗ ᐊᒥᓱᑦ ᕿᒻᒦᑦ ᐱᕐᓕᕋᓚᐅᕐᓂᖏᓐᓂᒃ. ᐸᑦ ᐅᖃᓚᐅᖅᓯᒪᔪᖅ ᐸᓖᓯᒃᑯᑦ ᐃᓂᖅᑎᕆᕙᓚᐅᖅᓯᒪᓂᖏᓐᓂᒃ ᐃᓄᖕᓂᒃ ᕿᒻᒥᓂ ᐃᐱᖅᓯᒪᖃᑦᑕᖁᓪᓗᒋᑦ, ᐊᒻᒪᓗ ᖁᑭᖅᓯᔭᕆᐊᖃᓐᖏᓐᓂᖏᓐᓂᒃ ᑭᓯᐊᓂ ᐊᖓᔪᖅᑲᐅᑎᖃᕐᕕᖕᒥ ᐊᖏᖅᑕᐅᒍᑎᒃ. ᐸᑦ ᐅᔾᔨᕈᓱᓚᐅᖅᑐᖅ ᕿᒻᒦᑦ ᐃᓇᖏᖅᑕᐅᕙᓪᓕᐊᕋᔮᓚᐅᕐᓂᖏᓐᓂᒃ ᖃᒧᑕᐅᔭᕐᓄᑦ.