ᓴᐃᒪᓂᖅ ᕿᓚᕝᕙᖅ

QTIQ23IN

ᓴᐃᒪᓂᖅ ᕿᓚᕝᕙᖅ ᐃᓅᓂᑯ ᐊᐅᔭᒃᑯᑦᓄᓇᓕᕋᓛᕐᒥ Breborne Island−ᒥ1944-ᖑᑎᓪᓗᒍ. ᐊᓈᓇᖓ ᐃᓅᔪᓐᓂᖅᓯᒪᓕᖅᑎᓪᓗᒍ, ᓅᓚᐅᖅᓯᒪᔪᖅ ᐃᖃᓗᖕᓄᑦ ᐊᑖᑕᖓᓗ 1949−ᖑᑎᓪᓗ. ᐅᓂᒃᑳᓚᐅᖅᑐᖅ ᖃᐅᔨᒪᔭᒥᓂᒃ ᓄᓇᓕᕋᓛᕐᒥ ᐃᓅᓯᖃᓚᐅᖅᓯᒪᓂᖏᓐᓂᒃ ᐊᒻᒪᓗ ᕿᒻᒦᑦ ᑐᖁᕋᖅᑕᐅᓂᕕᓂᖏᓐᓂᒃ. ᓴᐃᒪᓂᖅ ᓇᖕᒥᓂᖅ ᕿᒻᒥᖃᓕᓚᐅᖅᓯᒪᔪᖅ ᐅᑭᐅᖃᓕᕋᒥ 14−ᓂᒃ, ᐃᖅᑲᐅᒪᓪᓗᓂᓗ 1959−ᖑᓕᖅᑎᓪᓗᒍ ᐸᓖᓯᒃᑯᑦ ᑐᖁᕋᐃᕙᓪᓕᐊᓕᓚᐅᖅᓯᒪᔪᑦ ᕿᒻᒥᓂᒃ ᐃᓱᕋᖅᑐᔪᓂᒃ. ᕿᒻᒥᖏᑦ ᑐᖁᑕᐅᓚᐅᖅᑎᓪᓗᒋᑦ, ᓴᐃᒪᓂᖅ ᐱᓱᖃᑦᑕᕆᖃᓕᓚᐅᖅᑐᖅ ᐃᓕᓐᓂᐊᕆᐊᖅᓱᓂ ᓂᐊᖁᖑᓂ. ᓴᐃᒪᓂᖅ ᓱᓕᓪᓗᓂ ᐅᖃᓚᐅᖅᑐᖅ ᕿᒻᒦᑦ ᐃᐱᖅᑕᐅᓯᒪᕙᓚᐅᖏᒻᒪᑕ ᑕᐃᔅᓱᒪ, ᐅᒃᐱᕆᔭᐅᓂᖏᓐᓄᑦ ᓴᖏᑦᑐᑯᓘᓕᖃᑦᑕᕐᓂᖏᑦ ᐃᐱᖅᓯᒪᖃᑦᑕᖅᑎᓪᓗᒋᑦ. ᐅᒃᐱᕆᔭᖃᖅᑐᖅ ᕿᒻᒦᑦ ᑐᖁᕋᖅᑕᐅᓕᓚᐅᕐᓂᖏᓐᓂ ᐱᔾᔪᑕᐅᓪᓗᑎᒃ ᓂᕿᒃᓴᖅᓯᐅᖅᑎᐅᒐᒥᒃ ᑲᑎᖑᓚᖃᑦᑕᕐᓂᖏᓐᓄᑦ ᐃᖅᓯᓵᖃᑦᑕᕐᓂᖏᓄᓪᓗ ᐃᓄᖕᓄᑦ, ᑲᑉᐱᐊᒋᔭᐅᖃᑦᑕᕐᓂᖏᓄᓪᓗ. ᑭᖑᓂᐊᓂ ᕿᒦᑦ ᑐᖁᐸᕋᖅᑕᐅᖃᑦᑕᓚᐅᖅᑎᓪᓗᒋᑦ, ᓴᐃᒪᓂᖅ ᐅᖓᓯᒃᑐᒻᒪᕆᐊᓗᖕᒧᑦ ᐱᓱᖃᑦᑕᕆᐊᖃᓕᓚᐅᖅᑐᖅ ᐊᖑᓇᓱᒃᓱᓂ ᓱᓕ ᑕᐃᔅᓱᒪᓂ ᓯᑭᑐᖃᓚᐅᖅᑎᓐᓇᒍ.