ᐃᓚᐃᔭ ᑲᐅᑐᖅ

QTCR24IN

ᐃᓚᐃᔭ ᑲᐅᑐᖅ ᐃᓅᓕᓚᐅᖅᐳᖅ 1953ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐊᖓᔪᖅᑳᖏᒃ ᓅᓚᐅᕐᓂᖏᓐᓂᒃ ᑲᖏᖅᑐᒑᐱᖕᒧᑦ 1968-1969ᒥ. ᐃᖅᑲᐅᒪᕗᖅ ᐊᖓᔪᖅᑳᖏᒃ ᓅᑦᑕᕆᐊᖃᓚᐅᖅᓯᒪᔪᑦ ᕿᑐᕐᖓᖏᑦ ᐃᓕᓐᓂᐊᕆᐊᖃᓕᕐᒪᑕ. ᐅᒃᐱᕈᓱᒃᑐᖅ ᓅᑦᑐᒪᑎᑕᐅᓇᓱᓚᐅᖅᑐᑦ ᐊᑭᓖᑐᐃᓐᓇᓛᕐᓂᖏᓐᓄᑦ 2$ᓂᒃ ᐃᒡᓗᒧᑦ. ᑭᓯᐊᓂ, ᐃᒡᓗᒧᑦ ᐊᑭᓖᕙᒃᑕᖏᑦ ᐊᑭᑦᑐᕆᐊᖅᑎᑕᐅᖏᓐᓇᐅᔭᓚᐅᖅᐳᖅ. ᐱᕈᖅᓴᕐᓂᑰᒐᒥ ᐃᓄᐃᑦ ᐃᓕᖅᑯᓯᑐᖃᖏᑎᒍᑦ ᐃᓚᐃᔾᔭ ᐊᒃᑐᐊᔭᐅᕐᔪᐊᓚᐅᖅᐳᖅ ᓄᑖᒥᒃ ᐃᓅᓯᖃᓕᕋᒥ ᓄᓇᓕᖕᒥ. ᐅᒃᐱᕈᓱᒃᐳᖅ ᐸᓖᓯᑦ ᐃᓚᐅᔪᒃᓴᐅᓚᐅᕐᓂᖏᓐᓂᒃ ᐃᓚᖏᑦ ᓅᑦᑕᕆᐊᖃᓚᐅᕐᓂᖏᓐᓄᑦ.