ᒥᑭᓯᑎ ᓴᐃᓚ

QTCD20IN

ᒥᑭᓯᑎ ᓴᐃᓚ ᐃᓅᓕᓚᐅᖅᑐᖅ 1939ᒥ ᑭᙵᐃᑦ ᖃᓂᒋᔮᓂ. ᓄᑲᑉᐱᐊᖑᓪᓗᓂ, ᐃᖃᓗᖕᓄᑦ ᓅᓚᐅᖅᑐᖅ ᐊᑖᑕᖓ ᑕᐃᑯᖓ ᐃᖅᑲᓇᐃᔮᒃᓴᖅᓯᐅᕆᐊᖅᑐᕐᒪᑦ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᕗᖅ ᐊᑖᑕᒥᓂᒃ ᐱᔾᔪᔾᔨᓪᓗᓂ ᐃᓅᔪᓐᓃᕐᓂᑰᖕᒪᑦ. ᑕᑭᓪᓗᓂ ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐊᑖᑕᓂ ᐃᓅᔫᓐᓃᖅᓯᒪᓕᖅᑐᖅ ᐅᓂᒃᑳᕈᑎᓪᓗᒍ. ᐅᓂᒃᑳᑯᑖᒋᔭᒥᒍᑦ ᑐᓴᐅᓯᖅᓯᕗᖅ ᐊᑖᑕᖓᑕ ᕿᒻᒥᖏᓐᓂᒃ ᐱᖓᓱᓂᒃ ᐸᓖᓰᖕᓄᑦ ᒪᕐᕉᖕᓄᑦ ᖁᑭᐊᔭᐅᔪᓂᒃ ᐃᖃᓗᖕᓂ. ᒥᑭᓯᑎᐅᑉ ᑕᒪᓐᓇ ᐃᖅᑲᐅᒪᕚ ᐊᑖᑕᖓ ᐃᐱᐊᖅᑐᐃᔾᔪᑎᖃᑦᑎᐊᓚᐅᙱᒻᒪᑦ, ᕿᒻᒥᑦ ᑭᒋᖅᖢᑎᒃ ᐃᐲᙶᓕᕐᓂᕐᒪᑕ. ᓯᕗᓂᖓᒍᑦ ᑐᓴᖅᑎᑕᐅᔾᔪᑎᒋᔭᐅᓚᐅᕋᑎᒃ ᖁᑭᖅᑕᐅᓚᐅᖅᓯᒪᔪᑦ. ᕿᒦᔭᖅᑕᐅᓂᖅ ᐊᒃᑐᐃᓯᒪᓚᐅᖅᐳᖅ ᐊᑖᑕᒥ ᐃᖕᒥᓂᒡᓗ ᓅᖃᑦᑕᕈᓐᓇᕿᓂᕆᔭᖓᓂᒃ ᐊᖑᓇᓱᒍᓐᓇᕐᓂᕆᔭᖓᓂᒡᓗ. ᐃᖅᑲᐅᒪᙱᓚᖅ ᐃᓄᓕᕆᔨᓄᑦ ᐃᑲᔪᖅᑕᐅᓚᐅᖅᓯᒪᔭᕆᐊᒃᓴᖅ ᐊᔪᕐᓇᖅᑐᖅᓯᐅᕐᓂᕆᔭᖓᓄᑦ ᐃᖃᓗᖕᓂ. ᒥᑭᓯᑎ ᐃᖅᑲᐅᒪᕗᖅ ᐅᓄᖅᑐᑲᓪᓚᖕᓂᒃ ᕿᒻᒥᕕᓂᖅᑕᖃᓚᐅᕆᐊᒃᓴᖓᓂᒃ ᐊᒃᑕᕐᕕᖕᒥ. ᑭᙵᕐᓄᑦ ᐅᑎᓚᐅᖅᓯᒪᕗᖅ 1970ᒥ ᓄᓕᐊᕐᒥᓃᑦᑕᖅᑐᖅᖢᓂ.