ᐅᓛᔪᒃ ᑭᒍᑦᑎᑳᕐᔪᒃ

QTAB16IN

ᐅᓛᔪᒃ ᑭᒍᑦᑎᑳᕐᔪᒃ ᓄᓕᐊᖓ ᐊᐃᑭᐅᑉ, ᐅᓂᒃᑳᓚᐅᖅᑐᖅ ᓄᒃᑎᓚᐅᖅᓯᒪᓂᖏᓐᓂᒃ ᐃᓚᖏᑦ, ᐊᒻᒪᓗ ᕿᒦᖅᑕᐅᓚᐅᖅᓯᒪᓂᖏᓐᓂᒃ. ᐅᓛᔫᑉ ᐅᓂᒃᑲᖏᓐᓂ ᖃᐅᔨᒪᑎᑦᑎᔪᖅ ᐱᔾᔪᑎᖃᖅᑐᓂᒃ ᐊᖓᔪᖄᖓᑕ ᐊᓐᓂᕐᓇᕆᔭᒻᒪᕆᐊᓗᒋᓯᒪᔭᖏᓐᓂᒃ ᓄᒃᑎᖅᑕᐅᓚᐅᖅᓯᒪᓂᖏᓐᓂᒃ ᐊᐅᓱᐃᑦᑐᕐᒧᑦ 1940−ᖏᓐᓂ. ᐅᖃᐅᓯᖃᖅᑐᖅ ᑐᖁᓚᐅᖅᓯᒪᓂᖓᓂᒃ ᓄᑲᑯᓗᖓᑕ, ᐱᓂᕐᓗᒃᑐᖃᖅᑎᓪᓗᒍ ᐸᓖᓯᒃᑯᑦ ᐃᓚᒋᔭᐅᓪᓗᑎᒃ. ᐊᓈᓇ ᐃᓱᒪᖃᑦᑎᐊᕈᓐᓃᓚᐅᖅᓯᒪᔪᖅ ᐸᓃᖅᓯᒪᓕᖅᓱᓂ. ᐊᓯᐊᖓᑦᑕᐅᖅ ᕿᑐᖓᖓ ᐃᓄᔪᓐᓃᓚᐅᖅᓯᒪᔪᖅ ᑕᐃᒫᒃᓴᐃᓐᓇᑲᓴᒃ ᑕᐃᔅᓱᒪᓂᑦᓴᐃᓐᓇᑲᓴᒃ. ᐅᓛᔪᒃ ᒪᒥᐊᕝᕕᐅᔪᒪᔪᖅ ᐊᓂᒥᓄᑦ, ᐃᖕᒥᓄᓪᓗ.