ᐲᑕ ᑲᑦᑐᒃ

QTSA47IN

ᐲᑕ ᑲᑦᑐᒃ ᐃᓅᓚᐅᕐᓯᒪᔪᖅ 1950ᖑᑎᓪᓗᒍ ᓂᒋᐊᑕ ᐱᓇᓐᓇᖅᐸᓯᐊᓂ ᐸᓛᕼᐅᑎ ᕿᑭᖅᑕᖓᑕ. ᐃᖅᑲᐅᒪᑦᓯᓪᓗᓂ ᐊᖏᕐᕋᒥᓂ ᐃᓅᓯᕆᓚᐅᕐᑕᒥᓂᒃ ᐆᒪᔪᕈᓯᕆᓚᐅᕐᑕᖏᓐᓂᓪᓗ. ᐅᓂᒃᑳᓕᒃ ᕿᒻᒦᑦ ᐆᒪᔪᕋᓲᑕᐅᕙᓚᐅᕐᖓᑕ. ᓅᓚᐅᕐᑐᑦ ᓄᓇᑐᖃᕐᖕᒧᑦ ᓂᒋᐊᓄᑦ ᓅᒃᑲᓐᓂᓕᕆᓪᓗᑎᒃ ᓄᓇᓕᓐᓄᑦ 1971ᖑᑎᓪᓗᒍ. ᑭᖑᓪᓕᕐᐹᖑᓚᐅᕐᑐᖅ ᓄᑦᑎᖅᑎᖅᑐᓂ ᓄᓇᒥᓐᓂᒃ. ᐃᖅᑲᐅᒪᑦᓯᓪᓗᓂ ᐊᑐᓚᐅᕐᑕᒥᓂᒃ ᐃᓕᓐᓂᐊᕆᐊᕐᓯᒪᓪᓗᓂ ᑐᔪᕐᒥᕕᒋᓚᐅᕐᑕᖓᓂᒃ ᑰᔾᔪᐊᕌᓗᖕᒥ. ᐅᖃᐅᓯᕐᖓᐅᑎᒥᓂᒃ ᐃᓕᖅᑯᓯᒥᓂᓪᓗ ᐃᓚᖓᒍᑦ ᔭᒐᐃᓚᐅᕐᑐᖅ ᐃᓕᓐᓂᐊᕐᕕᒻᒦᓂᕐᒥᓂ ᐃᓕᓐᓂᐊᑲᓐᓂᕆᐊᖃᓕᕐᑐᓂᒋᑦ ᐅᑎᖅᓯᒪᓕᕐᑐᓂ. ᐃᖅᑲᐅᒪᒋᓪᓗᓂ ᐋᓪᓕᑲᒃᑯᑦ ᐊᔪᕆᕐᑐᐃᔨᖓᑦ ᑲᐱᓯᓚᐅᕐᓯᒪᒻᒪᑦ ᕿᒻᒥᖏᓐᓂᒃ ᑲᐴᒻᒧᑦ ᐃᓅᓱᒃᑐᓂ. ᓅᒃᑲᒥ ᓄᓇᓕᓐᓄᑦ ᕿᒻᒥᖏᑦ ᖁᑭᖅᑕᐅᓪᓗᑎᒃ ᐊᑖᑕᖓᓗ ᓇᖕᒥᓂᖅ ᕿᒻᒥᒥᓂᒃ ᖁᑭᖅᓯᔭᕆᐊᖃᓕᓚᐅᕐᑐᖅ. ᐃᖅᑲᐅᒪᑦᓯᔪᖅ ᒐᕙᒪᒃᑯᑦ ᓯᓚᐃᕐᕆᑦᓯᒐᓱᓚᐅᕐᖓᑕ ᑲᑉᐱᐊᓵᕆᓪᓗᑎᓪᓗ ᐃᓚᖏᓐᓂᒃ ᓅᖁᔨᓪᓗᑎᒃ ᐃᓕᓐᓂᐊᕆᐊᖁᔨᒧᑦ, ᕿᑐᕐᖓᖏᑕ ᓯᒃᑭᑖᕆᕙᒃᑕᖏᑦ ᓄᖅᑲᖅᑎᑕᐅᒐᔭᕐᖓᑕ. ᐃᖅᑲᐅᒪᓪᓗᓂ ᐅᖃᐅᓯᕆᔭᐅᕙᓪᓕᐊᓕᓚᐅᕐᖓᑦ ᓄᓇᑐᖃᒥᑦ ᓂᒋᐊᓂᒃ ᓅᓐᓂᒥᓂᖏᑦ ᐅᐊᓐᓇᖓᓄᑦ ᓄᓇᒋᓕᕐᑕᖓᓄᑦ.