ᐋᓂ ᑯᑭ

QTSA36IN

ᐋᓂ ᑯᑭ ᐃᓄᒃᑕᓕᖕᒥ ᐃᓅᓚᐅᖅᓯᒪᔪᖅ 1951-ᖑᑎᓪᓗᒍ. ᑐᐸᐃᔭᕐᒥ ᐱᕈᖅᓴᓚᐅᖅᓯᒪᔪᖅ ᓴᓂᑭᓗᐊᕐᒧᑦ ᓄᒃᑎᖅᑕᐅᓚᐅᓐᖏᓐᓂᖏᓐᓂ ᐅᒥᐊᕐᔪᐊᒃᑯᑦ ᑎᓴᒪᓂᒃ ᑕᓪᓕᒪᓂᒡᓘᓐᓃᑦ ᐊᕐᕌᒍᖃᖅᑎᓪᓗᒍ. ᐃᑦᑐᒃᑯᒥᓄᑦ ᐱᕈᖅᓴᖅᑕᐅᓚᐅᖅᓯᒪᔪᖅ ᐊᖓᔪᖅᑳᖏᑦ ᐳᕙᒡᓗᒋᐊᖅᓯᒪᑎᓪᓗᒋᑦ ᕼᐋᒧᓪᑕᓐᒥ ᐊᒻᒪᓗ ᑐᕌᓐᑐᒥ. ᐋᓂ ᐃᖅᑲᐅᒪᔪᖅ ᐃᑦᑐᕇᑦ ᐃᒡᓗᕕᒐᕐᒥᐅᑕᐅᓚᐅᖅᓯᒪᓂᖏᓐᓂᒃ 1962-ᒧᑦ ᑎᑭᖢᒍ. ᑕᒪᓐᓇ ᐊᑐᖅᑎᓪᓗᒍ ᒥᖅᓱᕆᐅᖅᓴᓚᐅᖅᓯᒪᔪᖅ ᐊᒻᒪᓗ ᓴᓇᓐᖑᐊᕆᐅᖅᓴᖅᖢᓂ. 1962-ᖑᓕᖅᑎᓪᓗᒍ ᐊᓂ ᖃᖓᑕᓲᒃᑯᑦ ᐊᐃᔭᐅᓚᐅᖅᓯᒪᔪᖅ ᐊᒻᒪᓗ ᐃᓕᓐᓂᐊᕆᐊᖅᑎᑕᐅᓪᓗᓂ. ᐊᒥᓱᓂᒃ ᐱᔭᕆᐊᑐᔪᓂᒃ ᐊᑐᖃᑦᑕᓚᐅᖅᓯᒪᔪᖅ ᑰᔾᔪᐊᕌᐱᖕᒥ ᐃᓕᓴᖅᑏᑦ ᐃᒡᓗᖓᓃᑎᓪᓗᒍ. ᐋᓂ ᐅᖃᓚᐅᖅᑐᖅ ᕿᒻᒦᑦ ᖁᑭᐊᔭᐅᓚᐅᕐᓂᕋᓗᐊᖅᑎᓪᓗᒋᑦ ᐃᓕᓐᓂᐊᕆᐊᖅᓯᒪᑎᓪᓗᒍ, ᑕᒪᒃᑯᓂᖓ ᑐᓴᖅᑎᑕᐅᓚᐅᖅᓯᒪᓐᖏᓐᓂᕋᖅᑐᖅ.