ᓯᒥᐅᓂ ᐃᒥᖅᑯᑕᐃᓚᖅ

ᓯᒥᐅᓂ ᐃᒥᖅᑯᑕᐃᓚᖅ 1951-ᖑᑎᓪᓗᒍ ᐃᓅᓚᐅᖅᓯᒪᔪᖅ ᓄᓇᕕᓂᑐᖃᕐᒥ, ᓴᓂᑭᓗᐊᑉ ᖃᓂᒋᔮᓂ. ᐅᓂᒃᑲᐅᓯᖃᓚᐅᖅᓯᒪᔪᖅ ᖃᓄᐃᑦᑑᓚᐅᖅᓯᒪᓂᖓᓂᒃ ᐊᒻᒪᓗ ᑭᖑᓂᐊᒍᑦ ᓴᓂᑭᓗᐊᕐᒧᑦ ᓄᒃᑎᖅᑕᐅᒐᒥᒃ ᖃᓄᐃᑦᑑᓚᐅᖅᓯᒪᓂᖓᓂᒃ. ᓯᒥᐅᓂ ᐃᖅᑲᐅᒪᔪᖅ ᐊᑖᑕᖓᑕ ᐃᓄᖕᒧᑦ ᐃᖅᑲᓇᐃᔭᖅᑎᒧᑦ ᐅᖃᐅᔾᔭᐅᓚᐅᖅᓯᒪᓂᖓᓂᒃ ᓱᕈᓯᖅᓯᐅᑎᑖᖅᑎᑕᐅᖃᑦᑕᕈᓐᓃᕐᓂᐊᕐᓂᖓᓂᒃ ᓄᒃᑎᓐᖏᒃᑯᑎᒃ. ᓯᒥᐅᓂ ᐃᖅᑲᐅᒪᔪᖅ 1970-ᐅᓕᖅᑎᓪᓗᒍ, ᐃᓄᐃᑦ ᓄᒃᑎᖁᔭᐅᓚᐅᕐᓂᖏᓐᓂᒃ ᒐᕙᒪᒃᑯᑦ ᒪᕐᕉᖕᓂᒃ ᓄᓇᓖᖕᓂᒃ ᐊᐅᓚᑦᑎᔪᓐᓇᓐᖏᓐᓂᖏᓐᓂ ᐊᑕᐅᑦᑎᒃᑯᑦ. ᓯᒥᐅᓂ ᐃᖅᑲᐅᒪᔪᖅ ᐸᓖᓯ ᐊᑖᑕᖓᑕ ᕿᒻᒥᖏᑦᑕ ᐃᓚᖓᓂᒃ ᖁᑭᖅᓯᑎᓪᓗᒍ.