ᔮᓂ ᑐᑲᓗᒃ

ᔮᓂ ᑐᑲᓗᒃ ᐃᓅᓚᐅᖅᓯᒪᔪᖅ ᓴᓂᑭᓗᐊᑉ ᖃᓂᒋᔮᓂ 1935-ᖑᑎᓪᓗᒍ. ᐅᓂᒃᑲᐅᓯᖃᖃᓯᐅᔾᔨᓚᐅᖅᑐᖅ ᖃᓄᐃᑦᑑᖃᑦᑕᓚᐅᖅᓯᒪᓂᖓᓂᒃ ᓄᓇᓕᕋᓛᖑᑎᓪᓗᒋᑦ. ᐃᖅᑲᐅᒪᔪᖅ ᐃᓛᓐᓂᒃᑯᑦ ᓂᕿᒃᓴᖃᑦᑎᐊᖃᑦᑕᓚᐅᖅᓯᒪᓐᖏᓐᓂᖓᓂᒃ ᐊᒻᒪᓗ ᐅᓂᒃᑲᐅᓯᖃᓚᐅᖅᖢᓂ ᖃᓄᖅ ᐃᓄᐃᑦ ᐊᒥᖅᑳᖃᑦᑕᓚᐅᖅᓯᒪᓂᖏᓐᓂᒃ ᓂᕿᓂᒃ. 1953-ᖑᑎᓪᓗᒍ ᕿᒻᒥᓕᒫᒥᓂᒃ ᔭᒐᐃᓚᐅᖅᓯᒪᔪᖅ ᐸᓖᓯ ᓄᓇᒥᖕᓄᐊᕋᒥᒃ ᑐᓵᔨᖃᓐᖏᖢᓂ ᐊᒻᒪᓗ ᑲᐴᖅᖢᓂᒋᑦ ᕿᒻᒥᖏᑦ. ᑲᐴᖅᑕᐅᓚᐅᖅᑎᓪᓗᒋᑦ ᕿᒻᒦᑦ ᑭᖑᓪᓕᖏᑦ ᓄᑭᖃᕈᓐᓃᓚᐅᖅᓯᒪᔪᑦ ᐱᓇᓱᐊᕈᓯᑦ ᖃᔅᓰᓐᓇᐃᑦ ᐊᑯᓐᓂᖏᓐᓂ. ᔮᓂ ᐃᖅᑲᐅᒪᔪᖅ ᐊᖕᒫᓕᒃ ᖃᓄᐃᓕᐅᓚᐅᖅᓯᒪᓂᖓᓂᒃ, ᑕᐃᓐᓇ ᑕᐃᔅᓱᒪᓂ ᕿᒻᒦᔭᖅᑕᐅᓂᕐᒥᒃ ᓴᖅᑭᑦᑎᓚᐅᖅᓯᒪᖕᒪᑦ. ᐊᖕᒪᓕᒃ ᐃᓅᔪᓐᓃᖅᓯᒪᓕᖅᑎᓪᓗᒍ, ᐃᓄᐃᑦ ᕿᒻᒦᔭᖅᑕᐅᓚᐅᖅᓯᒪᓂᕐᒥᓂᒃ ᓂᓪᓕᐅᑎᑲᕈᓐᓃᓚᐅᖅᓯᒪᔪᑦ, ᑭᓯᐊᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᓱᓕᔪᓂᒃ ᖃᐅᔨᓇᓱᒃᑏᑦ ᐱᒋᐊᓕᕐᒪᑕ. ᔮᓂ ᓄᒃᑎᖅᑕᐅᓚᐅᖅᓯᒪᓂᕐᒥᒃ ᐊᑐᓚᐅᖅᓯᒪᓐᖏᓐᓂᕋᖅᑐᖅ.