ᓯᒥᐅᓂ ᐊᒪᕈᐊᓕᒃ

QTRB07IN

ᓯᒥᐅᓂ ᐊᒪᕈᐊᓕᒃ 1933-ᒥ ᐃᓅᓚᐅᖅᓯᒪᔪᖅ ᓄᓇᓕᕋᓛᕐᒥ ᐃᓄᒡᔪᐊᑉ ᖃᓂᒋᔮᓂ. ᐅᓂᒃᑲᐅᓯᖃᓚᐅᖅᑐᖅ ᖃᓄᖅ ᐊᒃᓱᕈᕐᓇᖅᑐᖅᓯᐅᓚᐅᖅᓯᒪᓂᖏᓐᓂᒃ ᓄᒃᑎᖅᑕᐅᒐᒥᒃ ᐃᓚᒌᑦ ᐃᓄᒡᔪᐊᕐᒥᑦ ᖃᐅᓱᐃᑦᑐᕐᒧᑦ. ᓯᒥᐅᓂ ᐃᖅᑲᐅᒪᔪᖅ ᐸᓖᓯᒃᑯᓐᓄᑦ ᐊᔭᐅᖅᑕᐅᓚᐅᖅᓯᒪᓂᕐᒥᓂᒃ ᓄᓇᓕᖕᓂ ᓯᕗᒃᑲᖅᑕᖅᑎᒋᔭᐅᖁᔭᐅᓪᓗᓂ ᐊᒻᒪᓗ ᑐᑭᓯᓂᕐᓗᒃᑎᑕᐅᓚᐅᖅᓯᒪᓂᕐᒥᓂᒃ ᖃᓄᐃᑦᑐᒥᒃ ᐃᓅᓯᖃᕐᓂᐊᕐᓂᖏᓐᓂᒃ ᖃᐅᓱᐃᑦᑐᕐᒥ, ᐱᓗᐊᕐᓗᒍ ᓂᕐᔪᑎᖃᑦᑎᐊᕐᓂᕋᖅᑕᐅᓚᐅᕐᓂᖓ ᐊᒻᒪᓗ ᐊᖑᓇᓱᒍᓐᓇᖅᑎᑕᐅᓚᐅᓐᖏᓐᓂᖏᓐᓂᒃ. ᓄᒃᑎᖅᓯᒪᓕᖅᑎᓪᓗᒋᑦ, ᕿᒻᒥᖏᑦᑕ ᐊᕝᕙᓪᓗᐊᖏᑦ ᖁᑭᖅᓴᖅᑕᐅᓚᐅᖅᓯᒪᔪᑦ ᐸᓖᓯᒧᑦ ᐊᑦᒪᓐᑕᒧᑦ ᐋᓐᓂᐊᕕᓕᐊᖅᓯᒪᑎᓪᓗᒍ.