ᑑᕋ ᐸᓪᓗᖅ

QTRB02IN

ᑑᕋ ᐸᓪᓗᖅ ᐃᒥᖅᑯᑕᐃᓚᖅ ᐃᓅᓚᐅᖅᓯᒪᔪᖅ 1943-ᒥ ᓄᓇᓕᕋᓛᕐᒥ ᐃᓄᒡᔪᐊᑉ ᖃᓂᒋᔮᓂ, ᑯᐸᐃᒃ ᑕᕐᕋᖓᓂ. ᐅᓂᒃᑲᐅᓯᖃᓚᐅᖅᑐᖅ ᓱᕈᓯᐅᓪᓗᓂ ᐃᖅᑲᐅᒪᔭᒥᓂᒃ ᓄᓇᓕᕋᓛᕐᒥᐅᑕᐅᑎᓪᓗᒋᑦ ᐊᒻᒪᓗ ᓄᒃᑎᖅᑕᐅᓚᐅᖅᓯᒪᓂᕕᓂᕐᒥᓂᒃ. ᑑᕋ ᖃᓪᓗᓈᑦ ᓄᓇᖓᓐᓄᑦ ᐋᓐᓂᐊᕕᓕᐊᖅᑎᑕᐅᓚᐅᖅᓯᒪᔪᖅ ᐊᕐᕌᒍᓄᑦ ᐅᓄᓐᖏᑦᑐᓄᑦ. ᐅᑎᕋᒥ, ᖃᐅᔨᓕᑕᐃᓐᓇᓚᐅᖅᓯᒪᔪᖅ ᐊᖓᔪᖅᑳᖏᑦ ᐊᐅᓪᓚᖅᑎᑕᐅᔪᕕᓂᐅᓂᖏᓐᓂᒃ ᖃᐅᓱᐃᑦᑐᕐᒧᑦ 1958-ᖑᑎᓪᓗᒍ, ᐊᒻᒪᓗ ᐱᖏᖕᓇᖅᑑᓂᖏᓐᓂᒃ. ᐃᓐᓇᐅᓕᕋᒥ, ᑕᑯᓐᓇᓚᐅᖅᓯᒪᔪᖅ ᐅᐃᖓᑕ ᕿᒻᒥᖏᑦ ᖁᑭᐊᔭᐅᑎᓪᓗᒋᑦ ᐸᓖᓯᒃᑯᓐᓄᑦ, ᐅᐃᖓ ᐋᓐᓂᐊᕕᖕᒦᑎᓪᓗᒍ.