ᕋᐃᒡᒋᓕ ᐊᕐᓇᖅᑯᖅ

QTQK03IN

ᕋᐃᒡᒋᓕ ᐊᕐᓇᖅᑯᖅ ᐃᓅᓚᐅᖅᓯᒪᔪᖅ 1940-ᒥ. ᓄᓇᓕᕋᓛᕐᒥ ᐱᕈᖅᓴᓚᐅᖅᓯᒪᔪᖅ ᐸᖕᓂᖅᑑᑉ ᓯᓚᑎᑦᑎᐊᖓᓂ. ᐊᖑᑏᑦ ᐊᖑᓇᓱᒋᐊᖅᓯᒪᑎᓪᓗᒋᑦ, ᐸᓖᓯᒃᑯᑦ ᐊᕐᓇᓂᒃ ᓄᓇᓕᕋᓛᕐᒥᐅᑕᓂᒃ ᐊᒡᔭᖅᑐᐃᓚᐅᖅᓯᒪᔪᑦ ᖃᒧᑕᐅᔭᒃᑯᑦ 1959-60-ᒥ. ᐃᖅᑲᐅᒪᓐᖏᑦᑐᖅ ᐅᖃᐅᔾᔭᐅᕙᒌᓚᐅᕐᒪᖔᖏᑦ ᑐᓴᖅᑎᑕᐅᓚᐅᕐᒪᖔᖏᓪᓗ ᓄᒃᑎᖅᑕᐅᓂᐊᕐᓂᓐᖏᓐᓂᒃ. ᒫᔾᔨᐅᑎᓪᓗᒍ ᑐᐱᕐᒥᐅᑕᐅᔭᕆᐊᖃᓚᐅᖅᓯᒪᔪᑦ, ᐃᖅᑲᐅᒪᓪᓗᓂᓗ ᐊᒃᓱᐊᓗᒃ ᕿᐅᓐᓇᖃᑦᑕᓚᐅᖅᓯᒪᓂᖓᓂᒃ. ᖃᕐᒪᒥᐅᑕᐅᓂᕋᓚᐅᖅᓯᒪᔪᖅ ᐃᒡᓗᑖᕋᒥᒃ ᑭᓯᐊᓂ ᐊᕐᕌᒍᒐᓴᑦ ᐊᓂᒍᕐᒪᑕ ᓄᒃᑎᓚᐅᖅᑎᓪᓗᒋᑦ ᐸᖕᓂᖅᑑᕐᒧᑦ. ᕋᐃᒡᒋᓕ ᓇᓗᓇᐃᖅᓯᓚᐅᖅᑐᖅ ᐅᐃᖓᑕ ᕿᒻᒥᖏᑦ ᐱᖓᓱᑦ ᖁᑭᐊᔭᐅᓚᐅᖅᓯᒪᓂᖏᓐᓂᒃ ᑕᐃᔅᓱᒪᓂ ᐸᓖᓯᒃᑯᓐᓄᑦ, ᓄᒃᑎᖅᓯᒪᓕᖅᑎᓪᓗᒋᑦ. 1975-ᒥ, ᕋᐃᒡᒋᓕ ᐊᒻᒪᓗ ᐅᐃᖓ ᓅᓚᐅᖅᓯᒪᔫᒃ ᐊᐅᓱᐃᑦᑐᕐᒧᑦ, ᑭᖑᓂᐊᒍᑦ ᖃᐅᓱᐃᑦᑐᕐᒧᑦ, ᐃᓂᓪᓚᓕᑕᐃᓐᓇᖅᖢᑎᒃ ᕿᑭᖅᑕᕐᔪᐊᕐᒧᑦ 1979-ᖑᑎᓪᓗᒍ.