ᓵᒻᓴᓐ ᐃᖅᖢ

ᓵᒻᓴᓐ ᐃᖅᖢᒃ 1963-ᖑᑎᓪᓗᒍ ᐃᓅᓚᐅᖅᓯᒪᔪᖅ. ᓵᒻᓴᓐ ᐅᓂᒃᑳᕈᒪᓚᐅᖅᑐᖅ ᑭᒡᒐᖅᑐᕐᓗᓂᐅᒃ ᐊᓈᓇᒋᓚᐅᖅᑕᓂ ᕋᐃᑦᓱ, ᓯᕗᓂᑦᑎᓐᓂ ᑎᑎᖅᑲᑎᒍᑦ ᐅᓂᒃᑳᓕᐅᓚᐅᖅᓯᒪᖕᒪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᐅᖃᓚᐅᖅᑐᖅ ᐊᑖᑕᑦᑎᐊᖓ ᐸᓖᓯᒃᑯᓐᓄᑦ ᐃᑲᔪᖅᑎᒋᔭᐅᔪᒪᓚᐅᖅᓯᒪᓂᖓᓂᒃ. ᐱᖓᓱᐊᖅᑕᖅᖢᓂ ᐊᖏᓐᖏᒻᒪᑦ, ᑲᑉᐱᐊᓵᖅᑕᐅᓕᓚᐅᖅᓯᒪᔪᖅ ᐊᖏᓐᖏᑐᐊᖅᐸᑦ ᑎᒍᔭᐅᓂᐊᕐᓂᕋᖅᑕᐅᓪᓗᓂ. ᐃᖅᑲᓇᐃᔮᒥᓂᒃ ᐱᓕᕆᐊᖃᖅᑎᓪᓗᒍ ᓇᓄᕐᒧᑦ ᐅᒋᐊᖅᑕᐅᓚᐅᖅᓯᒪᔪᖅ. ᖃᓪᓗᓈᑦ ᓄᓇᖓᓐᓄᑦ ᐋᓐᓂᐊᕕᓕᐊᖅᑎᑕᐅᓚᐅᖅᓯᒪᔪᖅ, ᑭᓯᐊᓂᓗ ᑭᖑᓂᐊᓂ ᐃᓅᔪᓐᓃᓚᐅᖅᓯᒪᓪᓗᓂ 1980 ᐊᑐᓕᓵᖅᑎᓪᓗᒋᑦ. ᑕᒪᓐᓇᐅᓚᐅᖅᑎᓪᓗᒍ, ᐊᓈᓇᖓ ᐊᒻᒪᓗ ᖃᑕᓐᖑᑎᒌᑦ ᓂᕿᒃᓴᖅᓯᐅᕆᐊᖃᖃᑦᑕᓕᓚᐅᖅᓯᒪᔪᑦ. ᓂᕿᖃᑦᑎᐊᓐᖏᓐᓂᕐᒧᑦ ᐋᓐᓂᐊᓕᓚᐅᖅᓯᒪᔪᑦ ᐊᒻᒪᓗ ᐃᓚᖏᑦ ᐃᓅᔪᓐᓃᖅᖢᑎᒃ. ᑭᖑᓂᐊᒍᑦ ᐃᒃᐱᐊᕐᔪᖕᒧᑦ ᐊᐅᓪᓛᓕᓚᐅᖅᓯᒪᔪᑦ. ᓵᒻᓴᓐ ᐊᓈᓇᖓ ᑎᑎᕋᖅᑎᒋᔭᐅᓚᐅᖅᓯᒪᔪᖅ ᐸᓖᓯᒃᑯᓐᓄᑦ ᑕᓪᓗᕈᒻᒥ, ᐊᒻᒪᓗ ᐅᖃᓚᐅᕆᓪᓗᓂ ᑕᐃᑲᓂ ᐱᑦᑎᐊᖅᑕᐅᖃᑦᑕᓚᐅᓐᖏᓐᓂᖓᓂᒃ.