ᐊᐃᓴᑭ ᕿᔪᐊᐱᒃ

QTPI08IN

ᐊᐃᓴᑭ ᕿᔪᐊᐱᒃ ᐃᓅᓚᐅᖅᓯᒪᔪᖅ 1944-ᒥ. ᐱᕈᖅᓴᓚᐅᖅᑐᖅ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒧᑦ ᓅᓚᐅᖅᓯᒪᓪᓗᓂ. ᐅᓂᒃᑳᓚᐅᖅᑐᖅ ᖃᓄᖅ ᐃᓄᐃᑦ ᐃᓄᓪᓚᕆᒃᑎᑐᑦ ᐃᓅᓯᖃᓚᐅᕐᓂᖏᓐᓂᒃ. ᐊᐃᓴᑭ ᐅᖃᓚᐅᖅᑐᖅ ᕿᒻᒦᑦ ᐃᓱᒪᖅᓱᕐᓇᕐᓂᖅᓴᐅᓂᕋᖅᖢᓂᒋᑦ ᖃᒧᑕᐅᔭᕐᓂᑦ. ᐃᓄᐃᑦ ᐃᓕᖅᑯᓯᖏᓐᓄᑦ ᐃᓅᓯᖏᓐᓄᓪᓗ ᐃᓚᒋᔭᐅᓪᓚᕆᓚᐅᖅᓯᒪᔪᑦ. ᐊᐃᓴᑭ ᐅᖃᓚᐅᖅᑐᖅ ᕿᒻᒦᑦ ᐋᓐᓂᐊᖅᑖᖃᑦᑕᓚᐅᕐᓂᖏᓐᓂᒃ, ᐃᓛᓐᓂᒃᑯᑦ ᖁᑭᖅᑕᐅᔭᕆᐊᖃᖃᑦᑕᓚᐅᖅᑐᑦ. ᐊᐃᓴᑭ ᐃᓱᒪᔮᓚᐅᖅᑐᖅ ᐃᓄᐃᑦ ᐊᔪᕐᓇᖅᑐᖅᓯᐅᒃᑲᓐᓂᕋᔭᓚᐅᕐᒪᖔᖏᑦ ᑲᓇᑕᐅ ᒐᕙᒪᒃᑯᖏᓐᓄᑦ ᓄᒃᑎᖅᑕᐅᓚᐅᓐᖏᒃᑯᑎᒃ ᓄᓇᓕᖕᓄᑦ.