ᕌᓐ ᒫᓐᔫ

QTPA24IN

ᕌᓐ ᒫᓐᔫ ᐃᓅᓚᐅᖅᓯᒪᔪᖅ 1949-ᒥ. ᐸᖕᓂᖅᑑᕐᒦᓚᐅᖅᓯᒪᔪᖅ 1977-ᒥᑦ 1981-ᒧᑦ, ᐊᒻᒪᓗ ᑕᐃᒪᓐᖓᓂᑦ ᓇᒧᕈᓘᔮᓗᒃ ᐊᐅᓪᓚᖃᑦᑕᖅᓯᒪᓪᓗᓂ ᑕᐃᒪᓐᖓᓂᑦ 1975-ᒥᓂᑦ. ᒪᐃᔭᐅᓂᕐᒧᑦ ᓂᕈᐊᖅᑕᐅᓯᒪᔪᖅ ᐊᒻᒪᓗ ᐊᖓᔪᖅᑲᐅᑕᐅᖃᑕᐅᓪᓗᓂ ᓄᓇᓕᖕᓂ. ᐅᓂᒃᑳᓚᐅᖅᓯᒪᔪᖅ ᕿᒻᒦᑦ ᐊᐅᓚᑕᐅᔾᔪᓯᖏᑦᑕ ᐊᑐᐊᒐᖏᓐᓂᒃ ᓄᓇᓕᖕᓂ ᐊᑐᖅᑕᐅᖃᑦᑕᓚᐅᖅᓯᒪᔪᓂᒃ 1970-ᖏᓐᓂ ᐱᒋᐊᖅᖢᒍ. ᐅᖃᓚᐅᖅᓯᒪᔪᖅ ᑐᓴᐅᒪᖃᑎᒌᑦᑎᐊᓐᖏᓐᓂᕐᒨᔪᒃᓴᐅᔪᖅ ᕿᒻᒥᓖᑦ ᐅᔾᔨᕈᓱᒃᑎᑕᐅᑦᑎᐊᓚᐅᓐᖏᓐᓂᖏᓐᓂᒃ ᕿᒻᒥᖏᑦ ᐃᐲᓐᖔᑐᐊᖅᐸᑕ ᖁᑭᖅᑕᐅᖃᑦᑕᕐᓂᐊᕐᓂᖏᓐᓂᒃ. ᕿᒻᒥᓕᕆᔨ ᐊᑭᓕᖅᑕᐅᖃᑦᑕᓚᐅᖅᓯᒪᔪᖅ ᐊᑐᓂ ᕿᒻᒥᓄᑦ ᖁᑭᖅᑕᖏᓐᓄᑦ 1979-ᒧᑦ ᑎᑭᓪᖢᒍ, ᓄᓇᓕᖓᑦ ᐃᓱᒪᓕᐅᓕᓚᐅᖅᓯᒪᖕᒪᑦ ᐃᓚᐃᓐᓇᖓᒍᑦ ᐃᖅᑲᓇᐃᔮᖃᖅᑐᑎᑐᑦ ᐊᑭᓕᖅᑕᐅᖃᑦᑕᕐᓂᐊᓕᕐᓂᖓᓂᒃ. ᕌᓐ ᐅᓂᒃᑲᐅᑎᖃᓚᐅᖅᑐᖅ ᑕᒪᓐᓇ ᐱᔾᔪᑕᐅᓪᓗᓂ ᐅᓄᓐᖏᓐᓂᖅᓴᐅᓕᓚᐅᖅᓯᒪᓂᖏᓐᓂᒃ ᕿᒻᒦᑦ ᖁᑭᖅᑕᐅᔪᑦ.