ᓯᒥᐅᓂ ᐊᑉᐸᓕᐊᓗᒃ

ᓯᒥᐅᓂ ᐊᑉᐸᓕᐊᓗᒃ ᐃᓅᓚᐅᖅᓯᒪᔪᖅ 1964-ᒥ. ᐱᕙᓪᓕᐊᔪᓕᕆᔨᒋᔭᐅᔪᖅ ᐸᖕᓂᖅᑑᕐᒥ. ᐅᓂᒃᑲᐅᓯᖃᓚᐅᖅᑐᖅ ᖃᓄᐃᓕᐅᕐᓂᕆᖃᑦᑕᓚᐅᖅᓯᒪᔭᕕᓂᕐᒥᓂᒃ ᐱᕈᖅᓴᖅᑎᓪᓗᒍ, ᐊᑐᖅᖢᓂ ᖃᓪᓗᓈᑦ ᐊᒻᒪᓗ ᐃᓄᐃᑦ ᐱᐅᓯᖏᑦ, ᐊᒻᒪᓗ ᓴᓐᖏᓃᑦ ᓴᓐᖐᓐᓂᓪᓗ ᐃᒡᓗᕙᖅᓯᒪᓗᐊᓚᐅᕐᓂᖏᑦ ᐃᓄᖕᓂ ᐊᒻᒪᓗ ᖃᓪᓗᓈᓂ ᑎᒍᒥᐊᖅᑕᐅᔪᑦ. ᓯᒥᐅᓂ ᐃᖅᑲᐅᒪᔪᖅ ᐸᓖᓯᒃᑯᑦ ᐊᖓᔪᖅᑳᕌᓘᓚᐅᖅᓯᒪᓂᖏᓐᓂᒃ, ᓰᑏ ᕼᐊᐅᒥᓗ ᐃᓅᓕᓴᐃᔩᑦ ᓲᕐᓗ ᐆᒃᑐᒐᕈᓗᑐᐃᓐᓇᐅᑎᓚᐅᕐᓂᖏᑦ ᑲᒪᒋᔭᐅᖃᑦᑕᓚᐅᕐᓂᕕᓂᕐᒥᓂᒃ. ᐃᓱᒪᔪᖅ ᐃᓕᓐᓂᐊᕐᓂᓕᕆᓂᖅ ᐃᓄᐃᑦ ᐱᖅᑯᓯᖏᓐᓂᒃ ᕿᒪᐃᔾᔪᑕᓚᐅᕋᓱᒋᓪᓗᓂᐅᒃ. ᐃᓄᐃᑦ ᐊᒻᒪᓗ ᒐᕙᒪᒃᑯᑦ ᖃᓄᖅ ᐃᖅᑲᓇᐃᔭᖃᑎᒌᖕᓂᕆᓚᐅᖅᑕᖏᑦᑕ ᑐᑭᓯᐅᒪᔭᒥᒍᑦ ᐅᓂᒃᑲᐅᓯᖃᓚᐅᖅᑐᖅ, ᐊᒻᒪᓗ ᐱᐅᓂᖅᓴᒃᑯᑦ ᐃᖅᑲᓇᐃᔭᖃᑎᒌᒍᓐᓇᕈᓯᕆᔪᓐᓇᖅᑕᖏᓐᓂᒃ ᐅᖃᐅᓯᖃᓚᐅᕆᓪᓗᓂ.