ᒥᐊᓕ ᐹᑎ

QTPA11IN

ᒥᐊᓕ ᐹᑎ 1931-ᒥ ᐃᓅᓚᐅᖅᓯᒪᔪᖅ ᐅᓱᐊᓗᖕᒥ, ᐸᖕᓂᖅᑐᑉ ᖃᓂᒋᔮᓂ ᓄᓇᓕᕋᓛᕐᒥ. ᐅᓂᒃᑲᐅᓯᖃᓚᐅᖅᑐᖅ ᐊᑖᑕᖓ ᐃᖅᑲᓇᐃᔭᖃᑦᑕᓚᐅᕐᓂᖓᓂᒃ ᐸᖕᓂᖅᑑᑉ ᐋᓐᓂᐊᕕᖓᓂ ᐊᒻᒪᓗ ᕿᒻᒦᑦ ᑐᖁᕋᖅᑕᐅᓚᐅᕐᓂᖏᓐᓂᒃ. ᐊᑖᑕᖓ ᐋᓐᓂᐊᕕᖕᒥ ᐅᓂᒃᓯᒪᔪᓂᒃ ᑲᒪᔨᐅᖃᑕᐅᓚᐅᖅᓯᒪᔪᖅ. ᑮᓇᐅᔾᔭᒃᓴᖅᑎᑕᐅᓚᐅᖅᓯᒪᓐᖏᑦᑐᖅ ᐊᑭᓕᖅᑕᐅᓚᐅᖅᓯᒪᒐᓂᓗ ᐃᖅᑲᓇᐃᔭᕐᓂᖓᓄᑦ. ᒥᐊᓕ ᐃᖅᑲᐅᒪᔪᖅ ᐅᐃᖓᑕ ᕿᒻᒥᖏᑦᑕ ᐃᓚᖏᑦ, ᐃᓚᓕᐅᖢᒍ ᐃᓱᕋᖅᑐᔪᖓ, ᑐᖁᑕᐅᓚᐅᕐᓂᖏᓐᓂᒃ ᐃᐱᖅᑑᑎᖃᑦᑎᐊᓐᖏᓐᓂᖏᑦ ᐱᔾᔪᑕᐅᓪᓗᑎᒃ. ᐃᖅᑲᐅᒪᔪᖅ ᐃᒡᓗᖓᓄᑦ ᐊᑭᓖᖃᑦᑕᕐᓂᐊᕐᓂᕋᖅᑕᐅᓂᖏᓐᓂᒃ $2 ᑕᖅᑭᑕᒫᖅ, ᑕᒪᓐᓇᓗ ᓱᓕᓐᖏᑦᑐᕕᓂᐅᓪᓗᓂ.