ᔩᓚ ᐋᑯᓗᔾᔪᒃ

QTPA04IN

ᔩᓚ ᐋᑯᓗᔾᔪᒃ 1952-ᒥ ᐃᓅᓚᐅᖅᓯᒪᔪᖅ ᐅᓱᐊᓗᖕᒥ, ᐸᖕᓂᖅᑑᑉ ᖃᓂᒋᔮᓂ ᓄᓇᓕᕋᓛᕐᒥ. ᐅᓂᒃᑲᐅᓯᖃᓚᐅᖅᑐᖅ ᒪᕐᕈᐃᖕᓂᒃ ᓄᒃᑎᕆᐊᖃᕐᓂᕆᓚᐅᖅᓯᒪᔭᒥᓂᒃ ᓱᕈᓯᐅᓪᓗᓂ. ᓄᓇᓕᕋᓛᕐᒥ ᐱᕈᖅᓴᓚᐅᖅᓯᒪᔪᖅ ᐃᑦᑐᒃᑯᒥᓂ. 1960-ᐅᓕᖅᑎᓪᓗᒍ ᐃᖃᓗᖕᓄᑦ ᐊᐅᓪᓚᖅᑎᑕᐅᓚᐅᖅᓯᒪᔪᖅ ᐊᓈᓇᑦᑎᐊᓂ ᐊᒻᒪᓗ ᐊᖓᔪᓂ ᐱᖃᑎᒋᓪᓗᒋᒃ, ᑭᓱᒥᒃ ᐱᔾᔪᑎᖃᕐᒪᖔᑦ ᓇᓗᓇᐃᖅᓯᕕᐅᓐᖏᖢᓂ. ᑕᒫᓂᔅᓴᐃᓐᓇᖅ ᐊᕐᕌᒍᒥ, ᐸᖕᓂᖅᑑᕐᒧᑦ ᐅᑎᖅᑎᑕᐅᓚᐅᖅᓯᒪᔪᖅ, ᓄᓇᓕᕋᓛᖓᓄᑦ ᐅᑎᖅᑎᑕᐅᓐᖏᖔᖅᖢᓂ. ᐃᓕᓐᓂᐊᕐᕕᖕᒥ, ᐃᓕᓴᖅᑐᑦ ᖃᓪᓗᓇᐅᔭᕈᓐᓇᓐᖏᑦᑐᑦ ᐋᓐᓂᖅᓱᖅᑕᐅᖃᑦᑕᓚᐅᖅᓯᒪᔪᑦ ᐃᓕᓴᐃᔨᒥᓄᑦ.