ᐋᑕᒥ ᕖᕕ

QTPA02IN

ᐋᑕᒥ ᕖᕕ ᐃᓅᓚᐅᖅᓯᒪᔪᖅ 1950-ᒥ ᓄᓇᓕᕋᓛᕐᒥ ᐸᓂᖅᑑᑉ ᖃᓂᒋᔮᓂ. ᐅᓂᒃᑲᐅᓯᖃᓚᐅᖅᑐᖅ ᓱᕈᓯᐅᓪᓗᓂ ᐃᓚᒌᑦ ᐸᖕᓂᖅᑑᕐᒧᑦ ᓅᓚᐅᕐᓂᕕᓂᖏᓐᓂᒃ ᐱᖁᑎᒥᓂᒃ ᓱᓇᒃᑯᑖᓕᒫᒥᓂᒡᓗ ᕿᒪᐃᓪᓗᑎᒃ. ᐃᖅᑲᐅᒪᔪᖅ ᐊᓯᖅᑯᕝᕕᒃᓴᖃᓚᐅᓐᖏᓐᓂᖓ ᐊᑖᑕᖓᑕ ᕿᒻᒥᖏᑦ ᖁᑭᖅᓴᖅᑕᐅᓕᕐᒪᑕ ᐸᓖᓯᒧᑦ ᐊᒻᒪᓗ ᐃᓄᖕᒧᑦ ᐃᑲᔪᖅᑎᖓᓄᑦ, ᖁᑭᖅᑕᐅᖃᓯᐅᔾᔭᐅᓪᓗᑎᒃ ᐊᓯᖏᑦ ᕿᒻᒦᑦ ᒪᕐᕉᖕᓄᑦ ᐊᓯᖏᓐᓄᑦ ᐃᓄᖕᓄᑦ ᓇᖕᒥᓂᕆᔭᐅᔪᑦ. ᕿᒻᒥᖃᕈᓐᓃᕋᒥᒃ, ᐋᑕᒥᓗ ᐊᑖᑕᒌᒃ ᓅᒍᓐᓇᐃᓪᓕᓚᐅᖅᓯᒪᔫᒃ ᐊᒻᒪᓗ ᐃᓚᒥᓂᒃ ᓂᕿᒃᓴᖅᓯᐅᕈᔾᔨᔪᓐᓇᐃᓪᓕᓪᓗᑎᒃ, ᐊᒻᒪᓗ ᑕᒪᓐᓇ ᐊᒃᑐᐃᓂᖃᓪᓚᕆᓚᐅᖅᓯᒪᓪᓗᓂ ᓂᕿᒃᓴᖅᓯᐅᖅᑎᒋᔭᐅᒐᒥᒃ. ᐃᖅᑲᐅᒪᔪᖅ ᐃᓄᐃᑦ ᑳᖃᑦᑕᓚᐅᕐᓂᖏᓐᓂᒃ ᐸᖕᓂᖅᑑᕐᒥ, ᐆᒪᔪᖃᓐᖏᓐᓂᖅᓴᐅᓚᐅᖅᓯᒪᖕᒪᑦ ᓄᓇᓕᕋᓛᕐᓂ.