ᐋᑕᒥ ᐸᓪᓗᖅ ᕿᓚᕝᕙᖅ

QTPA01IN

ᐋᑕᒥ ᐸᓪᓗᖅ ᕿᓚᕝᕙᖅ ᐃᓅᓚᐅᖅᓯᒪᔪᖅ 1942-ᒥ. ᐊᑯᓂᐊᓗᒃ ᐸᖕᓂᖅᑑᕐᒥᐅᑕᐅᓕᖅᑐᖅ. ᐅᓂᒃᑲᐅᓯᖃᓚᐅᖅᑐᖅ ᓱᕈᓯᐅᓪᓗᓂ ᐃᖅᑲᐅᒪᔭᒥᓂᒃ ᖃᓄᖅ ᕿᒻᒦᑦ ᑲᒪᒋᔭᐅᕙᓚᐅᖅᓯᒪᓂᖏᓐᓂᒃ ᓄᓇᓕᖕᓄᐊᖅᐸᓪᓕᐊᓕᖅᑎᓪᓗᒋᑦ ᐃᖃᓗᖕᓂ. ᐃᖅᑲᐅᒪᔪᖅ ᒪᓕᒐᖅᑕᖃᐅᓚᐅᕐᓂᖓᓂᒃ ᖃᓄᖅ ᕿᒻᒦᑦ ᐃᓄᖏᓐᓄᑦ ᑲᒪᒋᔭᐅᒋᐊᖃᕐᓂᖏᓐᓂᒃ, ᐊᒻᒪᓗ ᑐᑭᓯᓇᑦᑎᐊᓚᐅᖅᓯᒪᓐᖏᓐᓂᖏᖓᓂᒃ ᒪᓕᒐᐃᑦ. ᐅᓂᒃᑲᐅᓯᖃᓚᐅᖅᑐᖅ ᖃᓄᖅ ᐸᓖᓯᒃᑯᑦ ᖁᑭᐊᓚᐅᖅᓯᒪᓂᖏᓐᓂᒃ ᕿᒻᒥᓂᒃ, ᐊᒻᒪᓗ ᓯᕗᓪᓕᖅᐹᑦᑎᐊᕐᒥᒃ ᕿᒻᒥᒃᑯᕕᓕᐅᓚᐅᖅᓯᒪᓂᖏᓐᓂᒃ. ᐅᖃᐅᓯᖃᓗᐊᓐᖑᐊᓚᐅᖅᑐᖅ ᖃᓄᖅ ᐃᐲᓐᖔᖅᑐᑦ ᖁᑭᖅᑕᐅᖃᑦᑕᓚᐅᕐᓂᖏᓐᓂᒃ, ᐅᓂᒃᑳᖅᖢᓂᓗ ᕿᒻᒦᑦ ᐃᐱᖅᓯᒪᔪᑦ ᖁᑭᖅᑕᐅᖃᑦᑕᓚᐅᕐᓂᖏᓐᓂᒃ 1969-ᖑᑎᓪᓗᒍ.