ᑎᐅᕆ ᕋᐃᔭᓐ

QTOT14IN

ᑎᐅᕆ ᕋᐃᔭᓐ ᐃᓅᓚᐅᖅᓯᒪᔪᖅ ᑐᕌᓐᑐᒥ 1933-ᖑᑎᓪᓗᒍ. ᓯᓚᓕᕆᔨᒃᑯᓐᓂ ᐃᖅᑲᓇᐃᔭᓯᒋᐊᓚᐅᖅᓯᒪᔪᖅ 1956-ᒥ ᐊᒻᒪᓗ ᑲᖏᖅᑐᒑᐱᖕᒦᓚᐅᖅᓯᒪᓪᓗᓂ ᐊᕐᕌᒍᓄᑦ ᒪᕐᕉᖕᓄᑦ ᓇᑉᐸᖓᓄᓪᓗ. 1960-ᒥ ᓅᓚᐅᖅᓯᒪᔪᖅ ᑭᓐᖓᕐᓄᑦ ᑯᐊᐸᒃᑯᓐᓂ ᓴᓇᓐᖑᐊᖅᑎᓄᑦ ᖃᐅᔨᒪᔨᑕᕆᔭᐅᓪᓗᓂ. ᑎᐅᕆ ᐅᓂᒃᑲᐅᓯᖃᓚᐅᖅᑐᖅ ᑭᓐᖓᕐᓃᓕᓵᖅᑎᓪᓗᒋᑦ ᐊᒻᒪᓗ ᓴᓇᓐᖑᐊᒐᓕᕆᓂᖅ ᐱᒋᐊᓕᓵᓚᐅᖅᑎᓪᓗᒍ. ᐅᖃᐅᓯᖃᓚᐅᕐᒥᔪᖅ ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪᓗ ᖃᐅᔨᓚᐅᖅᓯᒪᓐᖏᖢᓂ ᓱᕈᓯᖅᓯᐅᑎᓂᒃ ᐱᑎᑕᐅᔪᒪᓐᖏᑦᑐᓂᒃ ᕿᑐᕐᖓᖏᑦ ᐃᓕᓐᓂᐊᕆᐊᖅᑎᑕᐅᓐᖏᑐᐊᖅᐸᑕ. ᑎᐅᕆ ᐅᓂᒃᑲᐅᓯᖃᓚᐅᕐᒥᔪᖅ ᕿᒻᒥᓂᒃ ᐃᐲᓐᖔᖅᑐᓂᒃ ᑕᒫᓂᕐᕆᔪᖃᖃᑦᑕᓚᐅᕐᓂᖓᓂᒃ ᓄᓇᓖᑦ ᐃᓗᐊᓂ. ᐅᖃᓚᐅᖅᑐᑦ ᐅᓄᖅᓯᕙᓪᓕᐊᑎᓪᓗᒋᑦ ᐃᓄᐃᑦ ᓄᓇᓕᖕᓄᑦ ᓅᑦᑐᑦ, ᖃᒧᑕᐅᔭᐃᑦ ᓂᐅᕕᐊᒃᓴᓐᖑᕆᐅᓚᐅᖅᓯᒪᔪᑦ, ᕿᒻᒥᓪᓗ ᐃᒃᓯᓐᓇᖅᑕᐅᓪᓗᑎᒃ. ᕿᒻᒥᓕᕆᔨᑕᖃᐅᓕᓚᐅᖅᓯᒪᔪᖅ ᖃᐅᔨᓴᖅᑎᐅᓂᐊᖅᑐᓂᒃ ᕿᒻᒦᑦ ᐃᐱᖅᓯᒪᒐᓗᐊᕐᒪᖔᖏᑦ, ᐊᒻᒪᓗ ᐃᐲᓐᖔᖅᑐᓂᒃ ᕿᒻᒥᓂᒃ ᖁᑭᖅᓯᖃᑦᑕᕐᓂᐊᖅᑐᓂᒃ. ᑎᐅᕆ ᐅᖃᓚᐅᖅᑐᖅ ᕿᒻᒥᒧᑦ ᐅᒋᐊᖅᑕᐅᔪᖃᖃᑦᑕᓚᐅᕐᓂᕋᖅᖢᓂ ᐊᒻᒪᓗ ᕿᒻᒦᑦ ᐃᓱᒫᓘᑕᐅᓕᖅᖢᑎᒃ ᓇᒥᓕᒫᖅ ᐊᒻᒪᓗ ᑲᑎᒪᔩᑦ ᑲᑎᒪᓂᖃᓕᕌᖓᑕ ᐅᖃᐅᓯᕆᔭᐅᒡᒍᓚᐅᕐᓂᖏᓐᓂᒃ. ᐅᖃᓚᐅᖅᑐᖅ ᑐᓵᔩᑦ ᐅᓂᒃᑲᐅᓯᖃᑦᑎᐊᓐᖏᓗᐊᖃᑦᑕᓚᐅᕐᓂᖓᓂᒃ ᕿᒻᒥᓄᑦ ᒪᓕᒐᓂᒃ ᐊᒻᒪᓗ ᕿᒻᒥᑦ ᖁᑭᐊᔭᐅᖃᑦᑕᕐᓂᖏᓐᓂᒃ ᐅᓂᒃᑳᑦᑎᐊᓐᖏᓗᐊᓚᐅᕐᓂᖓᓂᒃ. ᑎᐅᕆ ᐃᖅᑲᐅᒪᔪᖅ ᐃᒃᐱᐊᕐᔪᖕᒥ ᕿᒻᒦᑦ ᐅᓄᓐᖏᓗᐊᓕᓚᐅᕐᓂᖏᓐᓂᒃ ᐋᓐᓂᐊᒧᑦ ᑐᖁᕋᕐᒪᑕ ᐊᒻᒪᓗ ᕿᒻᒦᑦ ᖁᑭᐊᔭᐅᔪᑦ ᐅᓄᓗᐊᓚᐅᕐᓂᖏᓐᓄᑦ.