ᑳᓕᓐ ᐋᓕᒃᓵᓐᑐ

QTOT10IN

ᑳᓕᓐ ᐋᓕᒃᓵᓐᑐ ᐃᖃᓗᖕᒥᐅᑕᐅᓚᐅᖅᓯᒪᔪᖅ ᑕᓪᓕᒪᓂᒃ ᐊᕐᕋᒍᓂᒃ 1960-ᖏᓐᓂ. ᐅᖃᓕᒫᒐᓕᐅᖅᑎᐅᓚᐅᖅᓯᒪᖕᒪᑕ News North-ᑯᓐᓂᒃ ᐅᑭᐅᖅᑕᖅᑐᒥ ᐱᕙᓪᓕᐊᔪᓂᒃ ᖁᓕᓂᒃ ᐊᕐᕋᒍᓂᒃ, ᓅᓚᐅᖅᑎᓐᓇᒍ ᓱᓕ ᐋᑕᕚᒧᑦ, ᑕᐃᑲᓂ ᐃᖃᓇᐃᓕᓚᐅᖅᓯᒪᖕᒪᑕ ᐊᖓᔪᖃᖑᓂᕐᒧᑦ ᐅᖃᐅᔾᔨᒋᐊᖅᑎᓂ ᐃᓕᓐᓂᐊᖅᑐᓕᕆᓂᕐᒧᑦ, ᐋᓐᑎᐅᕆᔫᒥ ᑯᐃᓐᒧᑦᖅ ᑲᒥᓯᓇᒃᑯᓐᓄᑦ, ᐅᑭᐅᖅᑕᖅᑐᒥ ᐊᕙᑎᓕᕆᓂᕐᒧᑦ. ᑳᓕᓐ ᐅᖃᐅᓯᕆᔭᖏᑦ ᑎᑎᕋᖅᓯᒪᔪᒃᑯᖅᑐᑦ ᓄᓇᕗᒻᒥ ᓱᓕᔪᕐᓂᒃ ᐋᖀᖃᑎᒌᒑᓱᐊᕐᓂᕐᒧᓪᓗ ᑲᒥᓯᓇᒃᑯᓐᓄᑦ. ᑎᑎᕋᖅᑕᖏᓐᓂ ᐅᖃᖅᓯᒪᔪᑦ ᐊᒥᓱᒐᓴᖕᓂᒃ ᑲᓇᑕᐅᑉ ᐅᑭᐅᖅᑕᖅᑐᒥ ᐊᑐᐊᒐᕆᓚᐅᖅᑕᖏᓐᓂᒃ, ᐃᓚᒋᔭᐅᓪᓗᑎᒃ ᐅᖃᐅᓯᓂᖏᑦ ᖃᓄᐃᓕᐅᖅᑎᐅᓚᐅᕐᓂᖏᑦ ᐃᓄᐃᑦ ᓯᕗᓕᐅᖅᑏᑦ ᑐᑭᓕᐅᕐᓂᖏᓐᓂ ᓯᕗᓂᒃᓴᖏᓐᓂᒃ ᓇᖕᒥᓂᖅ ᐃᓄᖁᑎᖏᓐᓂᒃ. ᑳᓕᓐ ᑎᑎᕋᖅᓯᒪᔪᖅ ᑕᐃᒃᑯᐊ ᑕᐅᑐᖑᐊᖅᑕᐅᓂᖏᑦ ᐊᒻᒪᓗ ᐃᓱᒪᒋᔭᐅᕚᒌᖅᓯᒪᓂᖏᑦ ᐃᓄᐃᑦ, ᐱᓪᓚᑦᑖᖅᑐᓂᒃ ᒪᓕᖏᒻᒪᑕ, ᐊᒻᒪᓗ ᐅᖃᐅᓯᕆᓪᓗᓂᒋᑦ ᐸᐃᕆᔨᐅᔪᔭᓚᐅᕐᓂᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᑦ ᐃᓄᖕᓄᑦ. ᑳᓕᓐ ᐅᖃᐅᓯᖃᕐᒥᔪᖅ ᐃᖃᓇᔭᒃᓴᓂᒃ ᓴᓂᐊᓂ ᐊᖑᓇᓱᒃᑎᐅᖃᑦᑕᐃᓐᓇᓚᐅᖅᑐᓂᒃ ᐃᓅᔾᔪᑎᒃᓴᓕᐊᖑᕙᒃᑐᓂᒃ, ᐃᓕᓐᓂᐊᖅᓯᒪᖏᓐᓂᖏᓐᓂᓗ ᐃᓄᐃᑦ, ᐊᒻᒪᓗ ᐊᔪᕈᓐᓃᖅᓴᖅᑕᐅᓯᒪᖏᖏᓐᓂᖏᑦ, ᐱᔾᔪᑕᐅᓂᖏᓄᓪᓗ ᐊᒥᓱᑦ ᐃᓄᐃᑦ ᐃᑲᔪᖅᑎᐅᓂᖏᓐᓂᒃ ᐊᒻᒪᓗ ᐱᔾᔪᑕᐅᖃᑕᕐᓂᖏᓐᓄᑦ ᐊᒥᓲᓗᐊᖅᑐᒻᒪᕇᑦ ᐃᖕᒥᓃᖃᑦᑕᕐᓂᖏᑦ ᐃᓄᐃᑦ ᒪᒃᑯᒃᑐᑦ.