ᓴᐃᒪᑕᖅ ᐅᓈᓕᒃ

QTKM19IN

ᓴᐃᒪᑕᖅ ᐅᓈᓕᒃ ᑭᒻᒥᕈᕐᒥ ᐃᓅᓚᐅᖅᓯᒪᔪᖅ 1958-ᖑᑎᓪᓗᒍ. ᓄᓇᓕᕋᓛᕐᒥᐅᑕᐅᓚᐅᖅᑐᖅ ᑭᒻᒥᕈᕐᒧᑦ ᓅᓚᐅᓐᖏᓐᓂᕐᒥᓂ 1982-ᒥ. ᓴᐃᒪᑕᐅᑉ ᐅᖃᐅᓯᕆᓚᐅᖅᑕᖏᑦ ᖃᓄᖅ ᕿᒻᒦᑦ ᐊᑐᖅᑕᐅᕙᓚᐅᕐᒪᖔᖏᓐᓂᒃ ᐊᒻᒪᓗ ᓄᓇᓕᕋᓛᕐᒥᐅᑕᐅᑎᓪᓗᒋᑦ ᕿᒻᒦᔭᖅᑕᐅᓚᐅᖅᓯᒪᓂᖏᓐᓂ 1970 ᐅᑭᐊᒃᓵᖓᓂ. ᐅᖃᓚᐅᕐᒥᔪᖅ ᐃᓚᔮᕇᑦ ᕿᒻᒥᓂᒃ ᐊᑐᖅᐸᓚᐅᖅᓯᒪᓂᖏᓐᓂᒃ ᐊᖑᓇᓱᖕᓂᕐᒧᑦ ᐊᒻᒪᓗ ᐊᐅᓪᓛᕈᑕᐅᕙᓚᐅᖅᓯᒪᓂᖏᓐᓂᒃ. ᐃᖅᑲᐅᒪᔪᖅ ᒪᑐ, ᖃᓪᓗᓈᖅ ᐃᓄᒃᑎᑑᕈᓐᓇᖅᑐᖅ, ᕿᒻᒥᓂᒃ ᖁᑭᐊᑎᓪᓗᒍ, ᖁᑭᐊᔭᐅᖃᑕᐅᓪᓗᑎᒃ ᐊᑖᑕᖓᑕ ᕿᒻᒥᖏᑦ. ᒪᑐ ᕿᒻᒥᓂᒃ ᖁᑭᖅᓴᖅᑎᐅᖁᔭᐅᓚᐅᖅᓯᒪᔪᖅ ᐸᓖᓯᒃᑯᓐᓄᑦ. ᓴᐃᒪᑕᖅ ᐅᓂᒃᑳᓚᐅᖅᓯᒪᖕᒥᔪᖅ ᕿᒻᒦᑦ ᐱᑐᒃᓯᒪᓚᐅᖅᓯᒪᓐᖏᓐᓂᖏᓐᓂᒃ. ᐃᖅᑲᐅᒪᔪᖅ ᐊᑕᐅᓯᖅ ᕿᒻᒥᖅ ᐊᒃᑲᖓᑕ ᕿᒻᒥᖏᓐᓄᑦ ᐅᒋᐊᖅᑕᐅᓚᐅᖅᓯᒪᓂᖓᓂᒃ, ᐊᒻᒪᓗ ᐃᓱᒪᓪᓗᓂ ᐊᓯᖏᑦ ᕿᒻᒦᑦ ᖁᑭᖅᓴᖅᑕᐅᓚᐅᕋᓱᒋᓪᓗᓂᒋᑦ ᐅᒋᐊᖅᑕᐅᔪᖃᒃᑲᓐᓂᕐᓂᐊᕋᓱᒋᓐᓈᓪᓗᑎᒃ. ᐅᖃᓚᕐᒥᔪᖅ ᕿᒻᒦᔭᖅᑕᐅᒐᒥᒃ ᐊᖑᓇᓱᒍᓐᓇᐃᓪᓕᓚᐅᕐᓂᖏᓐᓂᒃ, ᑭᓯᐊᓂᓕ ᑭᖑᓂᑦᑎᐊᖓᒍᑦ ᖃᒧᑕᐅᔭᖅᑕᖃᐅᓕᓚᐅᖅᓯᒪᔪᖅ ᕿᒻᒥᓂᒃ ᐃᓇᖐᔪᓂᒃ. ᕿᒻᒦᑦ ᖁᑭᐊᔭᐅᓚᐅᖅᑎᓪᓗᒋᑦ, ᓯᐃᒪᑕᖅ ᐃᖅᑲᐅᒪᔪᖅ ᕿᒧᒃᓯᖃᑦᑕᕐᓂᕐᒥᓂᒃ ᑭᖑᓂᖃᓈᖅᓯᓂᕆᓚᐅᖅᓯᒪᓂᕐᒥᓂᒃ.