ᑕᖅᑭᐊᓗᒃ ᑎᒥᓛᖅ

QTKM17IN

ᑕᖅᑭᐊᓗᒃ ᑎᒥᓛᖅ ᐃᓅᓚᐅᕐᑐᒥᓂᖅ 1935ᖑᑎᓪᓗᒍ ᑭᒻᒥᕈᑎᐅᑉ ᖃᓂᒋᔮᓂ. ᐅᓂᒃᑳᖏᑦ ᐊᑐᖅᑕᒥᓂᕐᖕᒥᓂᒃ ᓂᐱᓕᐅᕐᑕᐅᓚᐅᕐᑐᒥᓃᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ 2004ᖑᑎᓪᓗᒍ ᐊᒻᒪ ᐅᓂᒃᑳᒥᓂᖏᑦ ᑐᓂᔭᐅᓪᓗᑎᒃ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᕐᑎᓄᑦ ᐊᐱᖅᓱᖅᑐᒥᓂᕐᖕᒧᑦ ᑕᐃᑦᓱᒪᓂ. ᐊᐱᕆᔭᐅᓕᖅᑭᑦᑖᓕᕋᒥ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᓐᓄᑦ ᓅᖁᔭᐅᓪᓗᓂ ᓄᓇᒥᓂᒃ ᓄᓇᓕᓐᓄᑦ ᑲᑎᓐᖓᔪᓄᑦ, ᑕᖅᑭᐊᓗᒃ ᓅᒍᒪᓕᑕᐃᓐᓇᓚᐅᕐᑐᖅ 1968ᖑᑎᓪᓗᒍ ᐅᐱᓐᓇᕋᓂ ᕿᑐᕐᖓᖏᑦ ᐃᓕᓐᓂᐊᕆᐊᖃᓕᕐᖓᑕ. ᐅᖃᐅᓯᖃᕆᓪᓗᓂ ᕿᒻᒦᑦ ᐊᑑᑎᓕᓪᓚᕆᐊᓘᓚᐅᕐᓂᖏᓐᓂᒃ ᓄᓇᓕᓐᓄᑦ, ᕿᒻᒦᓪᓗ ᐃᓕᖅᑯᓯᖏᓐᓂᒃ ᖃᓄᐃᓕᐅᕈᓯᖏᓐᓂᓪᓗ. ᐃᖅᑲᐅᒪᔪᖅ ᐊᑕᐅᓯᕐᖕᒥᑦ ᓱᕈᓯᕐᖕᒥᑦ ᐹᔭᐅᔪᒥᒃ. ᑎᓕᔭᐅᓯᒪᓚᐅᕐᑐᖅ ᓯᖏᖅᓯᓯᒪᔪᑦ ᕿᒻᒦᑦ ᑐᖁᑕᐅᖁᔭᐅᓪᓗᑎᒃ. ᐊᐱᕆᔭᐅᓚᐅᕐᑐᒥᓂᖅ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᓐᓄᑦ ᓇᖕᒥᓂᖅ ᕿᒻᒥᒥᓂᒃ ᑐᖁᑦᓯᖁᔭᐅᓪᓗᓂ, ᐅᖃᐅᔾᔭᐅᓪᓗᓂᓗ ᖃᒧᑕᐅᔭᖅᑖᖅᑎᑕᐅᖔᕐᓂᐊᕐᖓᑦ. ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᑦ ᖁᑭᐊᓚᐅᕐᑐᑦ ᕿᒻᒥᖏᓐᓂᒃ 1969ᖑᑎᓪᓗᒍ. ᕿᒻᒦᔭᕐᑕᐅᒐᒥ, ᐆᒪᔪᕋᓱᒐᓱᓐᓂᖅ ᐱᔭᕆᐊᑐᔪᒻᒪᕆᐅᓕᓚᐅᕐᑐᖅ.