ᒥᐊᓕ ᐳᓪᓚᑦ

QTKM14IN

ᒥᐊᓕ ᐳᓪᓚᑦ ᐃᓅᓚᐅᕐᑐᒥᓂᖅ 1942 ᖃᓂᒋᔮᓂ ᐱᕈᕐᓴᓂᕐᑐᓂᓗ ᓄᓇᓕᕋᓛᓂ ᑭᓐᖓᐃᑦ ᖃᓂᒋᔮᓂ. ᐅᓂᒃᑳᓕᓪᓕ ᐊᑐᖅᓯᒪᔭᒥᓂᒃ ᓄᓇᒥᓐᓂ ᐱᕈᕐᓴᓪᓗᓂ, ᐅᖃᐅᓯᕆᒋᓪᓗᓂᒋᑦ ᑐᖁᕋᕐᑐᐊᓘᓐᓂᓚᐅᕐᖓᑕ ᐊᒥᓱᑲᓪᓚᑦ ᐋᓐᓂᐊᒧᑦ ᓄᓇᖅᑲᑎᖏᑦ. ᐅᓂᒃᑳᕆᓪᓗᓂ ᐅᐃᖓᑕ ᐃᓱᕋᕐᑐᔪᖓᑕ ᖁᑭᖅᑕᐅᓂᒥᓂᖓ ᖃᖓᐅᓐᓂᕐᒪᖔᑦ. ᓄᓇᖃᖅᑎᓪᓗᒋᑦ ᐱᑎᖅᑭᖅᒥ, ᐅᐃᖓ ᑭᒻᒥᕈᓯᐊᕐᓯᒪᑎᓪᓗᒍ ᕼᐊᑦᓴᓐ ᐸᐃ ᓂᐅᕕᕐᕕᖓᓄᑦ ᖃᓪᓗᓇᕐᔨᐊᕐᑐᓂ ᑕᐅᖅᓰᒋᐊᕐᑐᓂ. ᐅᑎᕋᒥ ᓄᓇᒥᓄᑦ, ᒥᐊᓕᒧᑦ ᐅᖃᖅᑐᒥᓂᖅ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖓᓄᑦ ᐃᓱᕋᕐᑐᔪᖓ ᖁᑭᖅᑕᐅᓂᕐᖓᑦ ᕿᒻᒥᒥᓂᖓᓗ ᐸᓖᓯᒃᑯᑦ ᐃᓪᓗᖓᑕ ᓵᖓᓄᐊᕐᑐᓂᐅᒃ. ᒥᐊᓕ ᐅᓂᒃᑳᒥᒍᑦ ᐅᖃᕐᑐᖅ, ᐅᐃᖓ ᐃᑉᐱᓐᓂᓪᓚᕆᓚᐅᕐᓂᖓᓄᑦ ᓱᑕᐃᖅᑕᐅᒐᒥ.