ᐃᓕᓴᐱ ᐃᑦᑐᓗ

QTKM13IN

ᐃᓕᓴᐱ ᐃᑦᑐᓗ ᐃᓅᓚᐅᕐᓯᒪᔪᖅ 1956ᖑᑎᓪᓗᒍ ᑭᒻᒥᕈᕐᒥᐅᑕᐅᓕᕐᑐᖅ. ᐊᖏᔪᖅᑳᖏᓐᓄᑦ ᑕᐃᒪᐃᖁᔭᐅᓐᓂᕋᒥ, ᐅᓂᒃᑳᖏᑦ ᐊᑐᖅᓯᒪᔭᖏᑦ ᐱᖃᓯᐅᔾᔨᓯᒪᔪᑦ ᐃᓚᖏᑕ ᐊᑐᖅᑕᒥᓂᖏᓐᓂᒃ. ᐊᑖᑕᖓ ᐃᖅᑲᓇᐃᔭᓚᐅᕐᓯᒪᔪᖅ ᕼᐊᑦᓴᓐ ᐸᐃ ᓂᐅᕕᕐᑎᖏᓐᓄᑦ ᐊᐅᓪᓚᕈᔾᔨᔨᐅᓪᓗᓂ ᐊᐅᓪᓚᕋᔪᓚᐅᕐᑐᖅ ᑭᒻᒥᕈᕐᖕᒥᑦ ᑭᓐᖓᓄᑦ 1950ᖏᑦ ᐱᒋᐊᓕᓵᕐᑎᓪᓗᒋᑦ. ᑕᐃᑦᓱᒪᓂᐅᑎᓪᓗᒍ ᐊᐅᓚᑕᒻᒪᕆᐊᓘᔮᓚᐅᕋᒥ ᐃᓚᒥᓂᒃ ᕿᑐᕐᖓᒥᓂᓪᓗ ᐃᑉᐱᒍᓱᑦᑎᐊᕐᑐᔮᕈᓐᓃᕐᑐᓂ. ᐅᑎᖅᑕᕐᕕᖓᑕ ᐊᖅᑯᑎᖓ ᓇᖏᐊᕐᓇᓗᐊᕐᒪᑦ ᓇᑦᓴᕆᐊᑦᓴᖅ ᐃᓚᒥᓂᒃ. ᑭᒻᒥᕈᕐᖕᒧᑦ ᓅᓕᕆᓪᓗᑎᒃ ᐊᑖᑕᖓ ᐅᒥᐊᓕᐅᖅᐸᓕᕐᑐᓂ ᒪᑭᑕᔾᔪᑎᒋᓕᕐᑐᓂᐅᒃ. ᐱᔭᒃᓴᖃᓐᖏᒐᐃᒻᒪᑦ, ᐃᖅᑲᓇᐃᔭᕐᐸᓚᐅᕐᑐᖅ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᓐᓄᑦ, ᑐᒑᒥᒃ ᓴᓇᓐᖑᐊᐸᑦᑐᓂ. ᓂᕿᑖᖅᑎᑕᐅᕙᑦᑐᓂ, ᑮᓇᐅᔭᕐᑖᖅᑎᑕᐅᒐᓂ.