ᒎᑎᓕᐊᖅ ᔫᑎᐊ

QTKM05IN

ᒎᑎᓕᐊᖅ ᔫᑎᐊ ᐃᓅᓚᐅᖅᓯᒪᔪᖅ 1940-ᒥ ᓄᓇᓕᕋᓛᕐᒥ ᑭᒻᒥᕉᑉ ᖃᓂᒋᔮᓂ. ᐃᖅᑲᐅᒪᓂᕋᖅᑐᖅ ᓄᓇᓕᕋᓛᕐᒥᐅᑕᐅᓚᐅᕐᓂᕕᓂᕐᒥᓂᒃ ᐊᒻᒪᓗ ᕿᒧᒃᓯᒃᑯᑦ ᐊᖑᓇᓱᒋᐊᖃᑎᖃᖃᑦᑕᓚᖅᓯᒪᓂᕐᒥᓂᒃ ᐊᑖᑕᑦᑎᐊᕐᒥᓂᒃ. ᒎᑎᓕᐊᖅ ᐃᖅᑲᐅᒪᔪᖅ ᕿᒻᒦᑦ ᑐᖁᕋᖅᑕᐅᖃᑦᑕᖅᑎᓪᓗᒋᑦ. ᐃᖅᑲᐅᒪᖕᒥᔪᖅ ᐸᓖᓯ ᓄᓇᓕᕋᓛᖓᓐᓄᓐᖓᐅᑎᓪᓗᒍ ᐅᒥᐊᒃᑯᑦ ᐊᒻᒪᓗ ᒪᕐᕉᖕᓂᒃ ᐃᓱᕋᖅᑐᔫᖕᓂᒃ ᓯᒡᔭᒥ ᖁᑭᖅᓯᑎᓪᓗᒍ ᑭᓇᒧᑦ ᐊᐱᕆᓐᖏᑦᑎᐊᖅᖢᓂ. ᐃᓚᒌᑦ ᑭᒻᒥᕈᕐᒧᑦ ᓄᒃᑎᖁᔭᐅᒐᓗᐊᕋᒥᒃ ᐋᒃᑳᖏᓐᓇᓚᐅᖅᓯᒪᔪᑦ ᒪᕐᕉᖕᓄᑦ ᐊᕐᕌᒎᖕᓄᑦ. ᓅᑦᑐᒪᓕᓚᐅᖅᓯᒪᔪᑦ ᐅᖃᐅᔾᔭᐅᒐᒥᒃ ᓱᕈᓯᖅᓯᐅᑎᑖᖃᑦᑕᔾᔮᕈᓐᓃᕐᓂᖏᓐᓂᒃ ᓄᓇᓕᕋᓛᒥᓂᑦ ᕿᒪᐃᓐᖏᑐᐊᖅᐸᑕ. ᒎᑎᓕᐊᑉ ᐊᒃᑲᖓ, ᐸᓖᓯᒃᑯᓐᓄᑦ ᑎᓕᔭᐅᓯᒪᓪᓗᓂ, 11-ᓂᒃ ᓇᖕᒥᓂᖅ ᕿᒻᒥᒥᓂᒃ ᖁᑭᐊᖁᔭᐅᓚᐅᖅᓯᒪᔪᖅ. ᒎᑎᓕᐊᖅ ᕿᒻᒥᓂᒃ ᖁᑭᐊᓕᓚᐅᖅᓯᒪᔪᖅ, ᐃᐱᖅᓯᒪᒐᓗᐊᖅᑎᓪᓗᒋᑦ.