ᒍᐊᑕᓐ ᕆᐊᓂ

QTKM04IN

ᒍᐊᑕᓐ ᕆᐊᓂ (ᐊᖓᔪᖅᑳᕋᓛᖅ) ᓴᐃᓐ ᔮᓐᔅ, ᓂᐅᕙᐅᓐᓛᒥ ᐃᓅᓚᐅᖅᓯᒪᔪᖅ 1929-ᒥ. ᓂᐅᕕᖅᑎᒃᑯᓐᓄᑦ ᐃᖅᑲᓇᐃᔭᓯᒋᐊᓚᐅᖅᓯᒪᔪᖅ 1947-ᒥ ᐊᕐᕕᐊᑦ ᖃᓂᒋᔮᓂ. ᑕᐃᓐᓇᐅᓚᐅᖅᑎᓪᓗᒍ ᐃᖅᑲᓇᐃᔭᓯᒋᐊᓚᐅᖅᓯᒪᔪᖅ ᒫᓂᑑᐸᐅᑉ ᐅᐊᖕᓇᖓᓂ, ᐊᒻᒪᓗ ᑭᖑᓂᐊᒍᑦ ᑭᒻᒥᕈᕐᒧᑦ ᐊᐅᓪᓚᖅᑎᑕᐅᓚᐅᖅᓯᒪᓪᓗᓂ, ᓂᐅᕕᖅᑎᒃᑯᓐᓄᑦ ᐊᖓᔪᖅᑳᕆᔭᐅᓪᓗᓂ. ᓄᓕᐊᓂᓚᐅᖅᓯᒪᔪᖅ ᑭᒻᒥᕈᕐᒥ ᐊᒻᒪᓗ ᓄᒃᑎᖅᑕᐅᓚᐅᖅᓯᒪᓪᓗᓂ ᓂᐅᕕᖅᑎᒃᑯᓐᓄᑦ ᐃᖃᓗᖕᓄᑦ. ᐅᔾᔨᕈᓱᓐᖏᑦᑐᖅ ᐊᑐᐊᒐᖅᑕᖃᓚᐅᖅᓯᒪᖕᒪᖔᖓ ᕿᒻᒥᓅᖓᔪᓂᒃ ᐃᐲᓐᖔᖅᑐᓄᑦ ᐅᕝᕙᓘᓐᓃᑦ ᕿᒻᒦᔭᐃᔪᖃᓚᐅᖅᓯᒪᖕᒪᖔᖓ ᑭᒻᒥᕈᕐᒥ.