ᐃᔨᑦᓯᐊᖅ ᐸᓪᓗᖅ

QTKM02IN

ᐃᔨᑦᓯᐊᖅ ᐸᓪᓗᖅ ᐃᓅᓚᐅᖅᓯᒪᔪᖅ ᖃᓗᕐᔪᐊᕐᒥ, ᑭᒻᒥᕉᑉ ᖃᓂᒋᔮᓂ ᓄᓇᓕᕋᓛᕐᒥ 1966-ᖑᑎᓪᓗᒍ. ᐅᓂᒃᑲᐅᓯᖃᓚᐅᖅᑐᖅ ᕿᒻᒦᑦ ᑐᖁᕋᖅᑕᐅᑎᓪᓗᒋᑦ ᓄᓇᓕᕋᓛᕐᒥ ᓇᔪᖅᑕᖓᓂ 1970-ᖏᓐᓂ. ᕿᒻᒦᑦ ᒪᕐᕉᖕᓄᑦ ᐃᓅᖕᓄᑦ ᖁᑭᐊᔭᐅᓚᐅᖅᓯᒪᔪᑦ ᑎᓕᔭᐅᓯᒪᒐᒥᒃ ᐸᓖᓯᒃᑯᓐᓄᑦ. ᐊᖑᓇᓱᒍᓐᓇᐃᓪᓕᓚᐅᖅᑐᑦ, ᐊᒻᒪᓗ ᐃᓚᒌᑦ ᐊᖅᓵᖅᑕᐅᓪᓗᑎᒃ ᓄᒃᑕᐅᑎᑐᐊᑯᓗᖕᒥᓂ. ᕿᒻᒦᔭᖅᑕᐅᓚᐅᓐᖏᓐᓂᕐᒥᓂ, ᐊᑖᑕᑦᑎᐊᖓ, ᐊᖓᔪᖅᑳᕆᔭᐅᓚᐅᖅᓯᒪᔪᖅ ᓄᓇᓕᕋᓛᖓᓂ, ᑭᒻᒥᕈᕐᒧᑦ ᓄᒃᑎᖁᔭᐅᖏᓐᓇᕋᓗᐊᖅᖢᓂ ᐋᒃᑳᖏᓐᓇᖃᑦᑕᓚᐅᖅᓯᒪᓂᖓᓂᒃ, ᐸᓖᓯᒃᑯᓐᓄᓪᓗ ᕿᒻᒥᓂ ᑐᖁᕋᖅᑕᐅᖁᓐᖏᖢᓂᒋᑦ. ᑕᐃᔅᓱᒪᓂᐅᑎᓪᓗᒍ, ᐊᑖᑕᑦᑎᐊᖓ ᐸᓖᓯᒃᑯᓐᓄᑦ ᐅᖃᐅᔾᔭᐅᓚᐅᖅᓯᒪᔪᖅ ᐃᒡᓗᑦ ᐊᑭᖏᑦ ᐊᒻᒪᓗ ᖃᒧᑕᐅᔭᐃᑦ ᐊᑭᖏᑦ ᐊᑭᑦᑐᕆᐊᖅᑕᐅᓚᐅᖅᓯᒪᔾᔮᓐᖏᓐᖏᓐᓂᖏᓐᓂᒃ.