ᐊᑭᕈ ᕿᓕᖅᑎ

QTKM01IN

ᐊᑭᕈ ᕿᓕᖅᑎ ᑲᖏᕐᓱᔾᔪᐊᑉ ᖃᓂᒋᔮᓂ ᐃᓅᓚᐅᖅᓯᒪᔪᖅ 1955ᒥ, ᓄᓇᓕᕋᓛᑦ ᑭᒻᒥᕉᑉ ᖃᓂᒋᔮᓂ. ᐅᓂᒃᑲᐅᓯᖃᓚᐅᖅᑐᖅ ᖃᓪᓗᓈᓄᑦ ᐊᐅᓪᓚᕐᑎᑕᐅᓚᐅᕐᓯᒪᒐᒥ ᒨᔅ ᐹᒃᑐᕆᒧᑦ ᐳᕙᓪᓗᕝᕕᒧᑦ ᐊᒻᒪ ᕿᒻᒦᑦ ᖁᑭᐊᔭᐅᖃᑦᑕᕐᓂᕆᓚᐅᖅᓯᒪᔭᖏᓐᓂᒃ ᓄᓇᓕᕋᓛᖏᑦᑕ ᖃᓂᒋᔮᓂ ᑕᒫᓂ 18ᓂᒃ ᐊᕐᕌᒍᖃᓕᖅᑎᓪᓗᒍ. ᑕᑯᓐᓇᖃᑦᑕᓚᐅᖅᓯᒪᔪᖅ ᖁᑭᐊᔭᓂᒃ, ᑭᓯᐊᓂᓕ ᐃᓅᓱᒃᑑᓗᐊᕐᓂᑯᒧᑦ ᖃᓄᐃᓕᔭᕆᐊᑦᓴᖅ ᓇᓗᓕᑦᓯᐊᕐᑐᓂ. ᖁᑭᐊᔨᐅᓚᐅᖅᓯᒪᔫᒃ ᒪᕐᕉᒃ ᐃᓅᒃ, ᒪᑐ ᐊᑖᑕᖓᓗ, ᐅᖃᐅᔾᔭᐅᑦᓯᐊᒻᒪᕆᒃᑐᑎᒃ ᑎᓕᔭᐅᒐᒥᒃ ᓈᓚᑐᐃᓐᓇᖅᑐᑎᒃ ᖁᑭᐊᓚᐅᖅᓯᒪᔫᒃ. ᕿᒻᒦᑦ ᑐᖁᖓᓕᖅᑎᓪᓗᒋᑦ ᐊᑭᕈ ᐃᖅᑲᐅᒪᔪᖅ ᐊᑖᑕᒥᓂᒃ ᐱᓱᖃᑎᖃᖅᑐᑎᒃ ᐆᒪᔪᕐᓯᐅᕋᓱᖃᑦᑕᓕᓚᐅᕐᒪᑎᒃ. ᐊᑖᑕᖓ ᓴᓇᓐᖑᐊᖃᑦᑕᓕᕐᑐᓂ ᐃᒻᒥᓂᓪᓗ ᐃᑲᔪᕐᑐᓂᐅᒃ ᐊᑭᓖᔪᒡᒍᑎᐅᓪᓗᑎᒃ ᖃᒧᑕᐅᔭᖅᑖᕈᓐᓇᕐᓯᓪᓗᑎᒃ.