ᐋᓂ ᓇᐅᔪᒃ

QTIQ35IN

ᐋᓂ ᓇᐅᔪᒃ ᐃᓅᓚᐅᖅᓯᒪᔪᖅ ᐃᑦᓚᐅᒻᒥ, ᖃᓂᒋᔮᓂ ᐸᓐᓂᖅᑐᖅ1936−ᖑᑎᓪᓗᒍ. ᐅᓂᑳᓚᐅᖅᑐᖅ ᖃᐅᔨᒪᔭᒥᓂᒃ ᐊᖑᓇᓱᖕᓂᕐᒥᒃ, ᐱᕈᖅᓴᓚᐅᖅᓯᒪᓂᕐᒥᓂ ᖃᒻᒪᒥ, ᓂᕆᕙᓚᐅᕐᓂᖏᓐᓂᓗ ᓄᓇᒥᖔᖅᑐᓂᒃ. ᐋᓂ ᐃᖃᐅᒪᑦᑎᐊᖅᑐᖅ ᖁᕕᐊᓇᓚᐅᕐᓂᖓᓂᒃ ᓱᕈᓯᐅᓂᖓᓂ ᐊᒻᒪᓗ ᐊᔪᕈᓐᓂᖅᓴᖅᑕᐅᓯᒪᓂᕐᒥᓂᒃ ᐊᓈᓈᒥᓄᑦ. ᐋᓂ ᐅᕕᒃᑲᐅᓚᐅᖅᑐᖅ ᐸᓐᓂᖅᑐᕐᒥ, ᑕᐃᑲᓂ ᐃᖃᓇᐃᔭᓚᐅᖅᓯᒪᒐᒥ. ᓅᓚᐅᖅᓯᒪᔪᖅ ᐃᖃᓗᖕᓄᑦ 1964−ᖑᓕᖅᑎᓪᓗᒍ. ᐋᓂ ᐅᓂᒃᑳᓚᐅᖅᑐᖅ ᕿᒦᑦ ᑐᖁᕋᖅᑕᐅᓂᖏᓐᓂᒃ ᐅᐃᖓᑕ ᕿᒻᒥᕕᓂᖏᑦ, ᐅᖃᕈᑎᓪᓗᓂᐅᒃ ᐅᐃᓂ, ᑐᓵᔪᓐᓇᖏᒻᒪᑦ. ᐅᐃᖓᑕ ᕿᒻᒥᖏᑦ 15-ᖑᔪᑦ ᑐᖁᑕᐅᓚᐅᖅᓯᒪᔪᖅ 1966−ᖑᑎᓪᓗᒍ. ᐋᓂ ᐅᖃᓚᐅᖅᑐᖅ ᑐᖁᕋᖅᑕᐅᓯᑳᓪᓚᒃᑐᐊᓗᓚᐅᖅᓯᒪᓂᖏᓐᓂ ᕿᒻᒦᑦ, ᐃᐱᖅᓯᒪᓪᓗᑎᒡᓗ. ᐋᓂ ᐅᖃᓚᐅᖅᑐᖅ ᐅᐃᖓ ᐋᓐᓂᖅᓯᒪᔪᒻᒪᕆᐊᓗᓚᐅᖅᑐᖅ ᑕᐃᔅᓱᒪᓂ ᐱᓂᕐᓗᒃᑕᐅᖕᒪᑕ ᐊᒻᒪᓗ ᐃᓱᒫᓗᑐᐊᓘᓕᖅᓱᓂ ᖃᓄᖅ ᓂᕿᒃᓴᖃᕐᓂᐊᕐᓕᒪᖔᑕ ᐃᓚᖏᑦ .