ᕋᐃᓂ ᕙᓚᐅᕆᑎ

ᕋᐃᓂ ᕙᓚᐅᕆᑎ ᐃᓅᓚᐅᕐᓯᒪᔪᖅ ᐃᓄᒡᔪᐊᒥ 1927ᖑᑎᓪᓗᒍ ᐊᕐᕌᒍᓂᒃ ᐊᕙᑎᓂᒃ ᓄᓇᒌᓐᓇᕐᑐᒍ. ᔪᓚᐃ 1955ᖑᑎᓪᓗᒍ, ᐅᐃᒌᒃ ᐱᖓᓱᓪᓗ ᕿᑐᕐᖓᖏᑦ, ᓅᓚᐅᕐᓯᒪᔪᑦ ᐊᐅᓱᐃᑦᑐᒧᑦ ᓰᑏᕼᐊᐅᒃᑯᑦ ᑕᒻᒫᕐᕕᐅᑉ ᐅᒥᐊᕐᔪᐊᖓᒍᑦ. ᕿᑐᕐᖓᕇᑦ ᓅᓚᐅᕐᑐᑦ ᐅᐃᖓᑕ ᐃᓚᖏᓐᓄᑦ ᓄᒃᑎᖅᑐᑎᒃ ᐊᐅᓱᐃᑦᑐᒦᓕᕇᓚᐅᕐᖓᑕ. ᐅᓂᒃᑳᖃᕐᑐᓂ ᐊᑐᖅᑕᒥᓂᕐᖕᒥᓂᒃ ᐊᕐᕌᒍ ᓯᕗᓪᓕᕐᐹᖓᑦ ᐱᔭᕆᐊᑐᓂᕐᐹᖑᓚᐅᕆᐊᖓ ᐊᐅᓱᐃᑦᑐᒥ ᓄᓇᖓ ᐅᑭᐅᖅᑕᖅᑐᒦᑦᑐᖅ ᐹᓂᐊᓗᒃ ᑖᖏᓐᓇᕐᓂᖅᓵᓘᓚᐅᕐᒪᑦ ᐃᓄᒃᔪᐊᒥᒃ, ᑕᓯᕐᑕᖃᕋᓂᓘᓐᓃᑦ ᐃᒥᖅᑕᕕᑦᓴᒥᒃ. ᕋᐃᓂ ᐅᓂᒃᑳᕐᑐᖅ ᖃᓄᖅ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᑦ ᑐᖁᕋᐃᓚᐅᕐᒪᖔᑕ ᕿᒻᒥᖏᓐᓂᒃ ᐊᐅᓱᐃᑦᑐᒥ ᐃᓱᓕᓕᕐᑎᓪᓗᒋᑦ 1950ᖏᑦ. ᓇᖕᒥᓂᖅ ᖁᓕᓂᒃ ᒪᕐᕉᓂᓪᓗ ᕿᒻᒥᖏᑦ ᖁᑭᖅᑕᐅᓚᐅᕐᑐᑦ ᐱᑐᒃᓯᒪᒐᓗᐊᕋᒥᒃ. ᕋᐃᓂ ᑕᑯᓐᓇᕐᓂᖏᑦᑐᖅ ᖁᑭᐊᔭᐅᔪᓂᒃ ᐅᐱᓐᓇᕋᓂ ᕿᒻᒥᖏᑦ ᐊᓯᐊᓅᕐᑕᐅᓚᐅᕐᓂᕐᒪᑕ ᖁᑭᐊᔭᐅᓂᐊᕐᖓᑕ. ᑭᖑᓂᐊᒍᑦ ᕋᐃᓂ ᐃᖅᑲᐅᒪᓪᓗᓂ ᐊᖑᓇᓱᒋᐊᖃᓕᓚᐅᕐᖓᑕ ᐱᓱᒃᐸᑦᑐᑎᒃ. ᓇᖕᒥᓂᖅ ᐃᓚᖏᓪᓗ ᑕᐃᒪᓐᖓᑦ ᕿᒧᑦᓯᖃᒃᑲᓐᓂᓚᐅᕐᓯᒪᓐᖏᑦᑐᑦ. ᐃᓐᓇᑐᖃᐅᓂᕐᓴᐅᓕᕋᒥ ᕋᐃᓂ ᓅᓚᐅᕐᑐᒥᓂᖅ ᐃᖃᓗᓐᓄᑦ.