ᔫᓇ ᑭᐊᓕ

QTIQ12IN

ᔫᓇ ᑭᐊᓕ ᐃᓅᓚᐅᖅᓯᒪᔪᖅ 1946-ᖑᑎᓪᓗᒍ. ᓄᓇᖃᓚᐅᖅᓯᒪᔪᖅ ᑭᒻᒥᕈᒻᒥ ᐊᓯᖏᓐᓂᓗ ᐅᑭᐅᒃᑯᑦ ᓄᓇᓕᕋᓛᕐᓂ. ᐅᓂᒃᑳᓚᐅᖅᑐᖅ ᖃᐅᔨᒪᔭᒥᓂᒃ ᐃᓕᓐᓂᐊᕆᐊᓚᐅᖅᓯᒪᓂᕐᒥᓂ ᓂᐊᖁᖒᓂ 1957-ᒥᒃ 1963-ᒧᑦ. ᐸᓖᓯᒃᑯᑦ ᑲᑉᐱᐊᓴᕆᓚᐅᖅᓯᒪᖕᒪᑕ ᓄᖃᖅᑎᑕᐅᓂᐊᕐᓂᖏᓐᓂᕐ ᐊᓇᓇᒃᑯᖏᓐᓄᑦ ᑮᓇᐅᔭᖅᑕᕆᕙᒃᑕᖏᑦ ᕿᑐᖓᖏᓐᓂᒃ ᐃᓕᓐᓂᐊᕆᐊᖅᑎᑦᑎᖏᑐᐊᕈᑎᒃ. ᔫᓇ ᐃᖃᓇᐃᔭᓚᐅᖅᓯᒪᔪᖅ ᐊᔪᕈᓐᓂᖅᓴᕐᕕᒃᑲᓐᓂᐅᔪᒥ (ᐃᓄᓕᕆᔨᑐᖃᒃᑯᓐᓂ) ᐊᒻᒪᓗ ᓯᐱᓰᒃᑯᓐᓂᒃ 1967−ᒥᒃ 1996-ᒧᑦ. ᑕᐃᒪ ᓅᓐᓇᒥᒃ ᐃᖃᓗᖕᓄᑦ, ᔫᓇ ᐅᓂᒃᑳᓚᐅᖅᑐᖅ ᓱᓪᓗᓂ ᕿᒻᒦᑦ ᐃᒃᐱᒋᔭᐅᑦᑎᐊᖃᑦᑕᓚᐅᖏᓐᓂᖏᓐᓂ ᐊᒻᒪᓗ ᖁᒦᑦ ᖁᑭᐊᔭᐅᕙᓪᓕᐊᓕᓚᐅᖅᓯᒪᓪᓗᑎᒃ. ᔫᓇ ᐅᖃᓚᐅᖅᑐᖅ ᐊᖓᔪᖑᐊᑕ/ᓄᑲᐅᖑᖓᑕ ᕿᒻᒥᒃ ᖁᑭᖅᑕᐅᓚᐅᖅᓯᒪᔪᑦ 1959−ᒥ ᐊᒻᒪᓗ 1960−ᒥ, ᐊᖑᓇᓱᒍᓐᓇᐃᓕᓚᐅᖅᓯᒪᔪᖅ, ᐃᒥᐊᓗᖃᑦᑕᓕᖅᓱᓂᓗ ᐃᖅᑭᐊᖑᖅᓯᒪᓂᕐᒥᓄᑦ. ᔫᓇ ᐅᖃᓚᐅᖅᑐᖅ ᑕᒪᒃᑯᐊ ᐊᑐᑦᑕᐅᓂᑰᔪᑦ ᐃᓄᖕᓄᑦ ᐊᑕᔪᓐᓃᕈᑕᐅᓚᐅᖅᓯᒪᔪᑦ ᐃᓕᖅᑯᓯᑐᖃᕐᒥᒍᑦ ᐃᓅᓯᕆᕙᓚᐅᖅᑕᖏᓐᓄᑦ.