ᓯᓚᔅᑏᓐ ᐃᕿᔾᔪᑦ

QTIQ04IN

ᓯᓚᔅᑏᓐ ᐃᕿᔾᔪᑦ ᐃᓅᓚᐅᖅᓯᒪᔪᖅ 1930−ᒥ ᑯᐸᐃᒃ ᑕᕐᕋᖓᓂ. ᓄᓇᖃᓚᐅᖅᑐᖅ ᐃᒡᓗᓕᒑᕐᔪᖕᒥ ᐃᖃᓇᐃᔭᓚᐅᖅᓱᓂᓗ ᑲᖏᖅᖠᓂᕐᒥ, ᓅᓚᐅᖏᓱᓂ ᓱᓕ ᐃᖃᓗᖕᓄᑦ. ᐅᓂᒃᑲᖅᑕᒥᓂᒃ ᖃᐅᔨᒪᔭᒥᓂᒃ, ᑐᓴᕐᓂᕋᖅᓯᒪᓚᐅᖅᑐᖅ ᐅᒋᐊᖅᑕᐅᔪᖃᖅᑐᐊᓘᓚᐅᖅᑐᒥᒃ ᐃᓅᔫᓐᓃᖅᑐᖃᖅᓱᓂ ᐃᒡᓗᓕᒑᕐᔪᖕᒥ 1930 ᖃᓂᒋᔭᖓᓂ. ᓄᓕᐊᖓ ᕼᐊᑦᓴᓐ ᐱᒃᑯᑦ ᓂᐅᕕᖅᑎᐅᑉ ᑐᖁᑕᐅᓚᐅᖅᑐᖅ ᐸᓖᓯᒃᑯᑦ ᕿᒻᒥᖏᓐᓄᑦ. ᑐᓴᓚᐅᖅᑐᖅ ᐸᓕᓯᒃᑯᑦ ᓴᖏᓂᕐᒥᓂᒃ ᐊᑐᖅᐸᓚᐅᖅᑐᑦ ᖁᑭᖅᑕᐅᑎᑎᑦᑕᐃᓕᒪᓂᕐᒧᑦ ᕿᒻᒥᒥᓂᒃ, ᑐᖂᑎᓯᒪᔪᐊᓗᒐᓗᐊᖅᑎᓪᓗᒋᑦ ᐃᓄᖕᒥᒃ. ᓯᓚᔅᑏᓐ ᕿᒻᒥᖏᑦ ᓇᖕᒥᓂᖅ ᑐᑕᐅᓯᒪᖏᒻᒥᔪᓪᓗ ᐸᓖᓯᒃᑯᓐᓄᑦ ᑭᓯᐊᓂ ᐃᓄᖕᓄᑦ ᐊᓯᖏᓐᓄᑦ. ᑐᖁᑕᐅᓚᐅᖅᑐᑦ ᐅᐱᖅᓯᒪᑦᑎᐊᓚᐅᖏᓐᓂᖏᓐᓄᑦ ᐊᒻᒪᓗ ᐃᖅᓯᓇᖅᑐᐊᓘᓚᐅᕐᒪᑕ ᐃᓄᖕᓄᑦ. ᐱᓕᕆᓚᐅᖅᓯᒪᔪᖅ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᐅᓚᑦᑎᔨᐅᓪᓗᓂ ᓄᓇᓕᖕᓂ ᐊᓯᖏᓐᓂ. ᑐᓵᑦᑎᐊᕈᓐᓃᕐᓂᑰᕗᖅ ᖄᖅᑕᔫᑦ ᖄᖅᑐᕕᓂᐅᑎᓪᓗᒋᑦ, ᒪᓕᑦᑎᐊᕐᓂᖏᓐᓇᒥ ᐅᔾᔨᖅᑐᑦᑎᐊᕈᑎᓂᒃ.