ᐋᓂ ᓴᐸ

QTIQ03IN

ᐋᓂ ᓴᐸ ᐃᓅᓕᓚᐅᖅᑐᖅ 1953ᖑᑎᓪᓗᒍ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᕐᓂᕆᔭᖓ ᑐᓴᐅᓯᕐᓇᖅᐳᖅ ᐃᓚᔮᖏᑦ ᓅᓚᐅᕐᓂᖓᓂᒃ ᐃᒃᐱᐊᕐᔪᖕᒧᑦ 1966ᖑᑎᓪᓗᒍ ᓄᑕᖅᑲᑦ ᐃᓕᓐᓂᐊᕆᐊᕈᓐᓇᖁᓪᓗᒋᑦ ᓄᓇᓕᖕᓂ. ᐊᑖᑖ ᐊᓄᓪᓚᒃᓯᖅᑎᑕᐅᓂᐊᕐᓂᕋᖅᑕᕕᓂᖅ ᐅᕝᕙᓘᓐᓃᑦ ᓄᑕᖅᑲᑦ ᑮᓇᐅᔭᖅᑖᕆᕙᒃᑕᖏᓐᓂᒃ ᐃᓚᙵᐃᕕᐅᓂᐊᕐᓂᕋᖅ+F4ᑕᐅᓪᓗᓂ ᓄᑕᖅᑲᑦ ᐃᓕᓐᓂᐊᕆᐊᙱᑉᐸᑕ. ᐋᓂ ᐃᖅᑲᐅᒪᕗᖅ ᓄᑕᖅᑲᑦ ᐊᐅᓪᓚᐅᒪᓪᓗᑎᒃ ᐃᓕᓐᓂᐊᕐᕕᒋᔭᖓᓂ ᑎᒥᒃᑯᓪᓗ ᖁᓄᔪᕐᓂᐊᖅᑕᐅᓂᒃᑯᓪᓗ ᐋᓐᓂᖅᑎᑕᐅᖃᑦᑕᓚᐅᕆᐊᒃᓴᖏᓐᓂᒃ. ᐋᓂᐅᑉ ᐊᑖᑖ ᐊᖑᓇᓱᒃᑎᒻᒪᕆᐅᒋᐊᒃᓴᖓᓂᒃ ᖃᐅᔨᒪᔭᐅᑦᑎᐊᓚᐅᖅᐳᖅ ᓄᓇᓕᖏᓐᓂ. ᐃᖅᑲᐅᒪᙱᓚᖅ ᕿᒻᒥᖏᑦ ᖃᓄᐃᑕᐅᓚᕆᐊᒃᓴᖏᓐᓂᒃ ᑭᓯᐊᓂ ᐃᓱᒪᔾᔫᒥᕙᒃᐳᖅ ᖃᓄᖅ ᕿᒧᒃᓯᕈᑎᖃᕈᓐᓃᕐᓂᖅ ᐊᒃᑐᐃᓯᒪᓂᖃᓚᐅᕐᒪᖔᑦ ᐊᖓᔪᖅᑳᒥᖕᓄᑦ.