ᑎᐳᐊᕋ ᖃᐅᓐᓇᖅ

QTIG26IN

ᑎᐳᐊᕋ ᖃᐅᓐᓇᖅ ᐃᓅᓚᐅᕐᓯᒪᔪᖅ 1941ᖑᑎᓪᓗᒍ. ᓂᕕᐊᕐᓯᐊᖑᓪᓗᓂ ᐱᕈᕐᓴᓚᐅᕐᓂᕐᖕᒥᓂᒃ ᑲᔾᔮᕈᓱᒃᑐᓂ ᐃᖅᑲᐅᒪᑦᓯᔪᖅ. ᒎᑎᒧᑦ ᑐᓴᕐᑕᐅᓚᐅᕐᓯᒪᓂᕐᖕᒥᓂᒃ ᑐᒃᓯᐊᕋᒥ ᓂᕕᐊᕐᓯᐊᖑᖏᓪᓗᓂ ᐅᓂᒃᑳᕐᑐᓂ ᐊᓈᓇᖓ ᐋᓐᓂᐊᒻᒪᑦ ᖃᓄᐃᑦᑐᓐᓃᕿᓪᓗᒍ, ᖃᓄᐃᑦᑐᓐᓃᕐᑐᒥᓂᐅᓪᓗᓂ. 1961ᖑᑎᓪᓗᒍ, ᐅᐃᖓᑕ ᐱᔮᖅᑯᑕᐅᓐᖏᑦᑐᒥᒃ ᖁᑭᑳᓪᓚᓐᓂᓚᐅᕐᒪᒍ ᓂᐅᖓᒍᑦ ᓇᑦᓯᒥᒃ ᖁᑭᖅᓯᕋᑖᑦᓯᐊᕐᑐᓂ. ᐊᐅᓪᓚᕈᔾᔭᐅᓪᓗᓂ ᐅᒥᐊᒃᑯᑦ ᐃᑉᐱᐊᕐᔪᖕᒧᑦ, ᖃᖓᑕᓲᑯᑦᓱᐊᓗᒃᑯᓪᓗ ᕼᐅᑭᓖᔅ ᑯᑦ ᖃᖓᑕᐅᔾᔭᐅᓕᕆᓪᓗᓂ ᒪᓐᑐᓕᐊᒧᑦ. ᐃᕐᖕᓂᓪᓗᓂ ᐃᕐᓂᑖᕐᑐᓂ ᖁᑭᖅᑕᐅᓂᒥᓂᖓᓄᑦ ᒪᒥᓴᕐᑕᐅᓂᕐᖕᒥᓂ. ᐃᒡᓗᓕᖕᒧᑦ ᓅᕋᑖᕐᑐᑎᒃ, ᐱᖓᓱᐃᓐᓇᑯᓗᐃᑦ ᐃᓪᓘᓚᐅᕐᑐᑦ: ᐃᒃᓯᕋᕐᔪᐊᒃᑯᑦ ᑐᒃᓯᐊᕐᕕᖁᑖ; ᕼᐊᑦᓴᓐ ᐸᐃ ᓂᐅᕕᕐᕕᖓᑕ ᐃᓪᓗᖓ ᓯᕐᓗᐊᖓᓗ. ᐊᑖᑕᖓ ᐊᔪᕆᖅᓱᐃᔨᓂᒃ ᐃᑲᔪᖃᑦᑕᓚᐅᕐᑐᖅ ᐊᔪᕆᕐᑐᐃᔭᕐᑐᑎᓪᓗᒋᑦ ᓄᓇᓕᓐᓄᑦ, ᐊᓪᓛᑦ ᐊᕗᖔᓗᒃ ᐊᓛᔅᑲᒧᑦ ᓂᐅᕐᕈᓯᒪᓐᓂᓚᐅᕐᓯᒪᔪᖅ. ᐃᒻᒥᓂᒃ ᕿᑯᕐᓂᕋᒥ ᐃᓅᔪᓐᓇᐃᓚᐅᕐᑐᖅ ᐆᒪᔪᕋᓱᒋᐊᕐᓯᒪᓪᓗᓂ. ᑕᐃᑦᓱᒪᓂ ᐅᑭᐅᖃᓚᐅᕐᑐᖅ 9ᓂᒃ ᖁᓕᓂᓪᓘᓐᓃᑦ. ᐃᖅᑲᐅᒪᑦᓯᓪᓗᓂ ᐅᐃᒌᒃ ᐃᓐᓇᑐᖃᕐᖕᒥᑦ, ᐃᒡᓗᓕᖕᒥ ᑐᖁᔪᒪᓐᖏᓐᓇᒥ, ᓄᓇᒥᓄᑦ ᐅᑎᕈᔾᔭᐅᓂᕐᑐᓂ. ᐃᓅᔪᓐᓇᐃᓚᐅᕐᑐᒥᓂᖅ ᐊᖅᑯᑖᓂ. ᐃᓗᕕᕐᑕᐅᓂᕐᖓᑦ ᓄᓇᖓᓂ ᐅᑉᐱᕈᓱᒃᑐᓂᓗ ᐆᒪᔪᓕᐊᓘᓕᕆᐊᖓ ᐃᓗᕕᕐᕕᖓᑕ ᐊᕙᑎᐊᓂ. ᐃᖅᑲᐅᒪᒋᓪᓗᓂ ᐅᐃᖓ ᐊᕐᕕᕐᑐᒥᓂᐅᒻᒪᑦ ᐊᑖᑕᖓ ᑲᔾᔮᖃᑦᑕᕐᓂᖓᓄᑦ ᐋᓐᓂᐊᒐᒥ ᐸᓯᔭᒃᓴᓐᖑᕐᑎᑕᐅᓪᓗᓂ ᐱᓂᕐᓗᓐᓂᕋᕐᑕᐅᓪᓗᓂ.