ᐲᐱ ᑯᓄᒃ

QTIG21IN

ᐲᐱ ᑯᓄᒃ ᐃᓅᓚᐅᕐᓯᒪᔪᖅ ᐊᒍ ᑕᓯᐅᔭᖓᓂ (ᐃᒡᓗᓕᐅᑉ ᖃᓂᒋᔮᓂ) 1932ᖑᑎᓪᓗᒍ. ᐅᓂᒃᑳᓕᒃ ᓄᓇᒥᓂ ᐃᓅᓯᕆᓚᐅᕐᑕᒥᓂᒃ ᐱᖃᓯᐅᑎᓪᓗᒍ ᐊᖏᔪᖅᑳᒥᓄᑦ ᐃᓕᓐᓂᐊᕐᑎᑕᐅᕙᓚᐅᕋᒥ ᐊᑖᑕᒥᓂᓪᓗ ᐃᑲᔪᕐᐸᓚᐅᕐᓂᕐᒥᓂᒃ ᐊᖑᓇᓱᒃᑎᓪᓗᒍ. ᐃᖅᑲᐅᒪᔪᖅ ᓅᓕᕋᒥᒃ ᐃᒡᓗᓕᖕᒧᑦ ᕿᑐᕐᖓᖏᑦ ᓱᕈᓯᑯᓘᑎᓪᓗᒋᑦ. ᕿᑐᕐᖓᖏᓐᓄᑦ ᓯᒃᑭᑖᖃᑦᑕᔾᔮᕈᓐᓃᕐᒪᑕ ᐃᓕᓐᓂᐊᕆᐊᓐᖏᑉᐸᑕ ᕿᑐᕐᖓᖏᑦ. ᐃᖅᑲᐅᒪᓪᓗᓂ ᑳᓚᐅᕐᓯᒪᓂᕐᖕᒥᓂᒃ ᐅᖃᐅᔾᔭᐅᒐᒥᓪᓗ ᐃᓪᓗᖓᑕ ᐊᑭᖓ ᑕᐃᒪᐃᖏᓐᓇᕐᓂᐊᕆᐊᖓ ᐊᑭᑮᓐᓇᕐᓗᓂ. ᐃᖅᑲᐅᒪᓪᓗᓂ ᐃᓚᒌᑦ ᐊᒍᒥ ᐱᐅᓕᔭᐅᓚᐅᕐᓯᒪᓐᓂᕐᖓᑕ ᐱᕐᓕᓕᕐᑎᓪᓗᒋᑦ ᐊᑖᑕᖓᑕᓗ ᓂᕆᑎᓐᓂᕐᒪᒋᑦ ᖃᓄᐃᒍᓐᓃᕐᑐᒥᓂᐅᒋᐊᖏᑦ. ᐃᖅᑲᐅᒪᓪᓗᓂ ᕿᒻᒦᑦ ᑐᖁᑕᐅᕙᓚᐅᕐᖓᑕ ᐋᓐᓂᐊᓂᖏᓐᓄᑦ ᑭᓯᐊᓂᓕ ᐃᖅᑲᐅᒪᓐᖏᑦᑐᑦ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᑦ ᑐᖁᕋᐃᒋᐊᖏᑦ ᕿᒻᒥᓂᒃ.