ᔪᐊᓇᓯ ᑭᒍᑦᑕᒃ ᐊᑯᒪᓕᒃ

QTIG18IN

ᔪᐊᓇᓯ ᑭᒍᑦᑕᒃ ᐊᑯᒪᓕᒃ ᐱᕈᕐᓴᓚᐅᕐᓯᒪᔪᖅ ᐃᑉᐱᐊᕐᔪᖕᒥ ᒫᓐᓇ ᐃᒡᓗᓕᖕᒥᐅᑕᐅᓕᕐᑐᖅ. ᐊᓈᓇᖓ ᓅᑕᐅᖃᑕᐅᓚᐅᕐᓯᒪᔪᖅ ᖁᑦᓯᑦᑐᒧᑦ ᓇᔅᑰᐱᒃᑯᑦ. ᐊᓈᓇᖓ ᐃᓅᔪᓐᓇᐃᒪᑦ, ᐊᖓᖓᓄᑦ ᐱᓯᒪᔭᐅᓕᓚᐅᕐᑐᖅ. ᓅᑕᐅᓂᒥᓂᖏᑦ ᐃᓄᐃᑦ ᑯᐱᐊᒃ ᓄᓇᕕᐊᓂᒃ ᓴᓐᓂᕈᑎᐅᑉ ᒥᑦᓵᓄᑦ ᖁᑦᓯᑦᑐᒧᑦ ᐅᒥᐊᒃᑯᑦ ᐊᓯᖏᓐᓄᓪᓗ ᓄᓇᓕᓐᓄᑦ ᕿᒧᑦᓯᕐᑐᑎᒃ ᑎᑎᕋᕐᑕᐅᖁᔭᕋᓗᐊᖏᑦ ᖃᐅᔨᒪᔭᐅᓂᐊᕐᖓᑕ ᑭᒃᑯᑐᐃᓐᓇᕐᓄᑦ ᐊᑐᖅᑕᒥᓂᖏᑦ. ᐊᓯᖏᑦ ᐃᓄᐃᑦ ᐱᖃᑎᒋᓪᓗᓂᒋᑦ, ᖃᐅᔨᓴᕐᓯᒪᔪᖅ ᑭᓪᓕᓯᓂᐊᕐᑐᓂ ᖃᐅᔨᓇᓱᐊᒃᑲᓐᓂᕐᑐᓂᒋᑦ ᐃᓚᖏᑦ ᓅᑕᐅᓚᐅᕐᑐᑦ. ᓇᓂᓯᓯᒪᔪᖅ ᓅᑕᐅᓂᑯᒥᓂᕐᖕᓂᑦ ᑐᓴᒐᒃᓴᑦ ᐅᓂᒃᑳᓪᓗ ᑕᐃᒫᑦᓴᐃᓐᓈᐸᓗᒃᑐᑦ ᑲᑎᖅᓱᕐᑐᒋᑦ ᓯᕗᓕᖏᑕ ᐊᑎᖏᑦ ᐅᖃᐅᓯᖏᓪᓗ ᒪᓕᒃᑐᒋᑦ ᓇᑭᓐᖔᕐᒪᖔᑕ ᑐᑭᓯᓯᒪᐸᓗᓕᕐᑐᓂ.