ᑑᒪᓯ ᑯᑉᓗ

ᑑᒪᓯ ᑯᑉᓗ ᐃᓅᓕᓚᐅᖅᓯᒪᕗᖅ 1941ᖑᑎᓪᓗᒍ ᒥᑦᑎᒪᑕᓕᐅᑉ ᖃᓂᒋᔮᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᒥᒍᑦ ᑐᓴᐅᓯᕐᓇᖅᐳᖅ ᕿᒻᒥᖃᕈᓐᓃᕐᓂᕆᓚᐅᖅᓯᒪᔭᒥᓂᒃ ᐊᑐᐊᒐᖅ ᕿᒻᒥᑦ ᐃᐲᙶᖅᑐᑦ ᐱᔾᔪᑎᒋᓪᓗᒍ. ᐅᓂᒃᑲᐅᓯᖃᕆᓪᓗᓂᓗ ᖃᓄᐃᓕᖓᓂᕆᓚᐅᖅᑕᖏᑦ ᐃᓚᒌᑦ ᓅᑕᐅᒐᒥᒃ ᒥᑦᑎᒪᑕᓕᖕᒧᑦ 1963ᒥᕈᔪᒃ. ᐃᖅᑲᐅᒪᕗᖅ ᐃᓄᐃᑦ ᓄᓇᒋᔭᒥᓂᑦ ᐊᐅᓪᓚᖁᔭᐅᓚᐅᖅᓯᒪᕗᑦ ᑕᒪᓐᓇᓗ ᒪᓕᓚᐅᖅᐹᑦ ᐃᓅᙱᑦᑐᑦ ᑲᑉᐱᐊᒋᒐᒥᔾᔪᒃ. ᐱᖁᑎᓗᒃᑖᒥᓂᒃ ᕿᒪᐃᓚᐅᖅᓯᒪᔪᑦ ᐅᑎᕐᓂᐊᕋᓱᒋᒐᓗᐊᒧᑦ. ᓅᕌᓂᒃᓯᒪᓕᕐᒪᑕ ᑭᓯᐊᓂ ᐅᖃᐅᔾᔭᐅᓕᑕᐃᓐᓇᓚᐅᖅᐳᑦ ᒥᑦᑎᒪᑕᓕᖕᒦᖏᓐᓇᕆᐊᖃᓕᕐᓂᖏᓐᓂᒃ ᓄᑕᕋᖏᑦ ᐃᓕᓐᓂᐊᕆᐊᖃᕐᓂᐊᕐᒪᑕ. ᑑᒪᓯ ᐱᓕᕆᐊᖃᖃᑕᐅᕗᖅ ᑎᑎᕋᖅᑕᐅᕙᓪᓕᐊᓂᖏᓐᓂᒃ ᐅᓂᒃᑳᖅᑕᐅᔪᑦ ᓄᓇᕗᒻᒥ ᐃᓐᓇᕐᓂᑦ. ᑎᑎᕋᐅᓯᖃᖅᐸᓪᓕᐊᒋᕗᕐᓗ ᐊᑐᖅᓯᒪᔭᒥᓂᒃ. ᐅᓂᒃᑲᐅᓯᖃᖅᓯᒪᕗᖅ ᐱᕐᕈᓗᐊᕿᓂᐅᓚᐅᖅᓯᒪᔪᒥᒃ ᖃᐅᙱᕝᕕᒋᓂᑯᒋᓯᒪᔭᒥᓂᒃ ᒪᕐᕉᖕᓂᒃ ᐅᑭᐅᖃᖅᖢᓂ.