ᒥᐊᓕ ᐊᒫᖅ

QTIG11IN

ᒥᐊᓕ ᐊᒫᖅ ᐃᓅᓕᓚᐅᖅᓯᒪᕗᖅ 1941ᖑᑎᓪᓗᒍ ᑕᓗᕐᔪᐊᓪᓗ ᐃᑳᓲᓪᓗ ᐊᑯᓐᓂᖓᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐃᓚᖏᑦ ᓅᑕᐅᓂᕆᔭᖓᓂᒃ ᑕᓗᕐᔪᐊᓄᑦ ᐊᒻᒪ ᐃᒡᓗᓕᖕᒧᑦ 20ᓂᕈᔪᒃ ᐊᕐᕌᒍᖃᓕᖅᑎᓪᓗᒍ. ᐅᓂᒃᑲᐅᓯᖃᖅᐳᖅ ᓄᓇᖃᕐᓂᕆᕙᓚᐅᖅᑕᒥᓂᒃ ᐊᒻᒪ ᓄᓇᓕᖕᓃᖃᑦᑕᓕᓵᓚᐅᖅᓯᒪᓂᕐᒥᓂᒃ. ᐃᖅᑲᐅᒪᕗᖅ ᐱᕈᖅᓴᓪᓗᓂ ᐸᓖᓯᓂᒃ ᐊᒃᓱᐊᓗᒃ ᑲᑉᐱᐊᒋᔭᖃᓚᐅᕆᐊᒃᓴᖅ. ᐅᐃᖓᑕ ᕿᒻᒥᖏᑦ ᑐᖁᕋᖅᑕᐅᓚᐅᙱᑦᑐᑦ ᐃᓅᔪᓐᓃᖅᑎᓪᓗᒍ ᑭᓯᐊᓂᓕ ᐱᔭᐅᑐᐃᓐᓇᓚᐅᖅᓯᒪᔪᑦ. ᒥᐊᓕ ᐅᓂᒃᑲᐅᓯᖃᕆᕗᖅ ᐊᖓᔪᖅᑳᖏᒥ ᓅᑕᐅᓂᕆᓚᐅᖅᓯᒪᔭᖓᓂᒃ ᑭᙵᕐᓂᑦ ᐃᑭᕋᓴᖕᒧᑦ ᐃᓅᓚᐅᖅᑎᓐᓇᒍ.