ᓵᑯᕋᐃᔭᔅ ᑯᓄᒃ

QTIG07IN

ᓵᑯᕋᐃᔭᔅ ᑯᓄᒃ ᐃᓅᓕᓚᐅᖅᓯᒪᕗᖅ 1957ᒥ ᑲᐳᐃᕕᖕᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐃᓚᖏᑦ ᓅᓚᐅᕐᓂᖏᓐᓂᒃ ᐃᒡᓗᓕᖕᒧᒃ 1966ᒥ ᐃᓅᓯᕐᒥᓂᒡᓗ ᓄᓇᓕᖕᒥ. ᐊᖓᔪᖅᑳᖏᒃ ᓅᑎᑕᐅᓚᐅᖅᑐᑦ ᐃᓕᓐᓂᐊᕆᐊᖅᑐᖅᑎᑕᐅᓯᒪᑎᓪᓗᒍ. ᓄᓇᓕᖕᒦᖃᑎᒋᓕᕐᒪᒋᒃ, ᐊᒃᑐᐊᔭᐅᓚᐅᖅᐳᖅ ᐅᔾᔨᕈᓱᓕᕋᒥ ᐊᑖᑕᒥᑐᑦ ᕿᒧᒃᓯᖃᑦᑕᔾᔮᙱᒻᒪᑦ. ᓵᑯᕋᐃᔭᔅ ᐅᖃᓚᐅᓯᖃᓚᐅᖅᐳᖅ ᒪᓕᒃᑕᐅᔭᕆᐊᖃᖅᑐᓂᒃ ᐃᓚᒌᒃᑐᓂᒃ ᐱᖃᑎᒌᒍᓐᓇᔾᔪᑕᐅᔪᓂᒃ: ᑳᑐᓕᐅᔪᑦ ᐋᖕᓕᑲᐅᔪᓪᓗ ᐱᖃᑎᒌᒍᓐᓇᖅᑎᑕᐅᓚᐅᙱᒻᒪᑕ. ᐅᖃᐅᓯᖃᓚᐅᕐᒥᔪᖅ ᐃᓕᓐᓂᐊᕆᐊᖅᑐᖅᑎᑕᐅᓪᓗᓂ ᐃᓄᑑᓐᓇᕐᓂᐅᓚᐅᖅᑐᒥᒃ. ᐅᒃᐱᕈᓱᒃᐳᖅ ᓇᖕᒥᓂᖅ ᖃᓄᐃᓕᐅᖃᑦᑕᕐᓂᕆᔭᓂ ᐱᔪᓐᓇᕐᓂᕆᔾᔪᑎᒋᔭᖏᑦ ᐃᓄᐃᑦ ᐱᖅᑯᓯᖏᓐᓂᒃ ᑲᑐᖅᓱᐃᔭᕆᐊᒃᓴᖅ ᑕᑯᓐᓇᒐᒃᓴᓕᐅᕐᓂᒃᑯᑦ.