ᔪᐊᑦᔨᐊ

QTIG06IN

ᔫᔾᔨᐊ ᐃᓅᓕᓚᐅᖅᓯᒪᕗᖅ 1928ᖑᑎᓪᓗᒍ. ᐅᑭᐅᖅᑕᖅᑐᕐᒥᐅᑕᐅᓯᒪᓕᖅᐳᖅ 1974ᒥᑦ ᐊᒻᒪ ᒫᓐᓇᒃᑯᑦ ᐃᒡᓗᓕᖕᒥᐅᑕᐅᔪᖅ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᑲᒪᔨᐅᖃᑦᑕᓚᐅᕐᓂᖓᓂᒃ ᐊᐅᓪᓚᐅᒪᓪᓗᑎᒃ ᐃᓕᓐᓂᐊᕆᐊᖅᓯᒪᔪᓄᑦ ᕗᐊᑦ ᓯᒻᓴᓐᒧᑦ ᓄᓇᑦᓯᐊᕐᒥ. ᑕᐃᑯᖓ ᐃᓕᓐᓂᐊᕆᐊᖅᑐᓂᒃ ᐃᓄᒃᑕᖃᓚᐅᙱᑦᑐᖅ ᑕᐃᑲᓃᑦᑐᑦ ᐃᖅᑭᓖᓐᓇᒡᒍᑕᐅᓚᐅᕐᒪᑕ. ᐅᓂᒃᑲᐅᓯᕐᒥᒍᑦ ᐅᖃᐅᓯᕆᕙᐃᑦ ᓄᑕᖅᑲᑦ ᐅᖃᐅᓯᕐᖓᐅᑎᒥᒍᑦ ᐅᖃᓪᓚᖃᑦᑕᓕᔭᖅᐸᓚᐅᖅᑐᑦ ᐊᖏᕐᕋᖅᓯᓗᐊᓕᕌᖓᒥᒃ ᓂᙵᒃᓯᒪᓂᖃᕐᔪᐊᓕᕌᖓᒥᒡᓘᓐᓃᑦ. ᐃᖅᑲᐅᒪᕗᖅ ᑲᒪᔨᐅᖃᑎᒋᔭᖏᑦ ᓄᑕᖅᑲᑦ ᐅᖃᐅᓯᖓᓐᓂᒃ ᐃᓕᑦᑎᓇᓱᓚᐅᙱᑦᑎᐊᕐᓂᖏᓐᓂᒃ ᐊᒻᒪ ᓄᑕᖅᑲᓂᒃ ᓇᐅᑦᑎᖅᓱᐊᖃᐃᓐᓇᐅᔭᖅᐸᓚᐅᕐᓂᕋᐃᓪᓗᓂ. ᖁᕕᐊᓇᖅᑐᓂᒃ ᐃᖅᑲᐅᒪᔭᖃᖅᐳᖅ ᓄᑕᖅᑲᑦ ᐊᐅᓪᓚᐅᒪᓪᓗᑎᒃ ᐃᓕᓐᓂᐊᕐᕕᖓᓃᓐᓂᕆᓚᐅᖅᑕᒥᓂᒃ ᐊᒻᒪ ᓇᔪᖅᑕᖓ ᐊᖏᕐᕋᕆᖅᑰᔨᔾᔪᒥᓇᖅᓯᑎᓐᓇᓱᒃᐸᓚᐅᖅᖢᓂᔾᔪᒃ. ᐃᓕᓐᓂᐊᕆᐊᖅᓯᒪᔪᑦ ᐊᖑᓇᓱᒐᓱᒋᐊᖅᑎᑕᐅᕙᓚᐅᖅᐳᖅ ᐱᔭᕆᔭᐅᔪᓪᓗ ᓂᕆᔭᒃᓴᕆᔭᐅᔪᓐᓇᖅᓯᑎᑕᐅᕙᒃᖢᑎᒃ ᐃᒐᔨᒋᔭᒧᑦ.