ᓗᐃ ᐅᑕᒃ

QTIG05IN

ᓗᐃ ᐅᑕᒃ ᐃᓅᓕᓚᐅᖅᑐᖅ 1937ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐃᓄᐃᑦ ᐃᓅᙱᑦᑐᓪᓗ ᖃᓄᐃᓕᐅᖃᑦᑕᐅᑎᓂᕆᕙᒃᓯᒪᔭᖏᓐᓂᒃ ᓂᐅᕕᕐᕕᖃᖅᑐᓂ ᐊᒻᒪ ᐃᒡᓗᓕᖕᒥ ᓄᓇᓕᙳᖅᓯᒪᓕᖅᑎᓪᓗᒍ. ᐃᖅᑲᐅᒪᕗᖅ ᕿᒻᒦᑦ ᐃᐲᙶᖅᑎᑕᐅᕙᓚᐅᖅᓯᒪᒐᓗᐊᖅᑐᑦ ᑎᑎᖅᑲᖅᑖᖅᑐᓚᐅᙱᓐᓂᖏᓐᓂ ᕿᒻᒦᑦ ᐃᐱᐊᖅᑐᖃᑦᑕᕆᐊᖃᕐᓂᕋᖅᑕᐅᓪᓗᑎᒃ. ᐃᖅᑲᐅᒪᕗᖅ ᐃᓄᐃᑦ ᒪᓕᓚᐅᕐᓂᖏᓐᓂᒃ ᐸᓖᓯᓂᒃ ᑲᑉᐱᐊᓱᒃᑲᒥᒃ. ᓗᐃ ᑲᒪᔨᐅᖃᑦᑕᓚᐅᖅᑐᖅ ᓄᑕᖅᑲᓂᒃ ᐃᒡᓗᓕᒑᕐᔪᖕᒧᑦ ᐃᓕᓐᓂᐊᕆᐊᖅᐸᓪᓕᐊᔪᓂᒃ. ᑕᑯᖃᑦᑕᓚᐅᖅᐸᐃᑦ ᐊᖓᔪᖅᑳᕆᔭᑦ ᐋᓐᓂᕐᓂᕆᔭᖏᑦ ᕿᑐᕐᖓᖏᑦ ᐊᐅᓪᓚᕐᓂᐊᖅᑎᓪᓗᒋᑦ. ᐅᒃᐱᕆᔭᖃᖅᐳᖅ ᓄᑕᖅᑲᑦ ᐊᐅᓪᓚᖅᑎᑕᐅᔭᕌᖓᒥᒃ ᐊᖓᔪᖅᑳᒥᓄᑦ ᐊᒃᑐᐊᓂᖃᕈᓐᓃᖃᑦᑕᓚᐅᕆᐊᒃᓴᖏᓐᓂᒃ ᐱᕈᖅᓴᔭᐅᒐᒥᒃ ᐊᓯᖏᑦᑕ ᐃᓕᖅᑯᓯᕆᔭᖏᑎᒍᑦ. ᓗᐃᑉ ᐃᓄᐃᓪᓗ ᕿᒻᒦᓪᓗ ᐊᔾᔨᒌᖅᑰᔨᓕᖅᑎᓯᒪᕙᐃᑦ ᓄᔪᐊᖅᑐᑎᑑᖅᑰᔨᓕᓚᐅᖅᓯᒪᓂᖏᓐᓂᒃ ᓄᓇᓕᖕᓃᖃᑦᑕᕆᐊᖃᓕᖅᑎᓪᓗᒋᑦ ᐊᒻᒪ ᕿᒻᒦᑦ ᐃᐱᖅᓯᒪᔭᕆᐊᖃᓕᖅᑎᓪᓗᒋᑦ ᐃᐲᙶᓕᒪᑎᓪᓗᒋᑦ.