ᔪᓕᐊ ᐊᒪᕈᐊᓕᒃ

QTIG02IN

ᔪᓕᐊ ᐊᒪᕈᐊᓕᒃ ᐃᓅᓕᓚᐅᖅᑐᖅ ᐊᕝᕙᔾᔭᒥ 1935ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐅᐃᖓ ᕿᒻᒥᖅᓯᓚᐅᕐᓂᖓᓂᒃ 1958ᖑᑎᓪᓗᒍ ᐊᒻᒪ ᐃᓚᒌᑦ ᓅᑕᐅᓂᕆᓚᐅᖅᓯᒪᔭᖓᓂᒃ ᐃᒡᓗᓕᖕᒧᑦ 1969ᖑᑎᓪᓗᒍ. ᐅᐃᓂᓗ ᐋᓐᓂᐊᕐᕕᖕᒦᑎᓪᓗᒋᒃ ᓇᓂᕋᔭᖕᒥ ᕿᒻᒥᖏᑦ ᐃᐲᓐᓂᕋᒥᒃ ᑑ-ᓚᐃᓐ ᐊᒃᑕᕐᕕᖓᓄᙵᐅᓚᐅᖅᓯᒪᓐᓂᕐᒪᑕ ᓂᕿᒃᓴᖅᓯᐅᖅᖢᑎᒃ. ᑕᐃᑲᓂ ᖁᑭᐊᔭᐅᓚᐅᖅᓯᒪᓐᓂᖅᐳᑦ ᐸᓖᓯᐅᓇᓱᒋᔭᖓᓄᑦ. ᐅᐃᖓ ᑑ-ᓚᐃᓐᒥ ᓴᓇᓕᓚᐅᖅᓯᒪᔪᖅ ᐃᒡᓗᓕᖕᒧᐊᓚᐅᙱᓐᓂᖏᓐᓂ ᓄᑕᕋᖏᑦ ᐃᓕᓐᓂᐊᕆᐊᖃᕐᒪᑕ. ᐅᐃᖓ ᐊᒃᓱᐊᓗᒃ ᐊᒃᑐᖅᑕᐅᓚᐅᖅᓯᒪᔪᖅ ᕿᒻᒥᖃᕈᓐᓃᕐᓂᕐᒥᓄᑦ ᐃᑭᒪᑲᑕᑐᐃᓐᓇᖅᐸᓕᖅᖢᓂ ᐊᖑᓇᓱᒋᐊᖅᑐᓂ ᓇᖕᒥᓂᕐᒥᓂᒃ ᓯᑭᑑᖅᑖᓚᐅᖅᑳᕋᓂ.