ᓯᒥᐅᓂ ᖃᐃᕐᓂᖅ

ᓯᒥᐅᓂ ᖃᐃᕐᓂᖅ ᐃᓅᓕᓚᐅᖅᓯᒪᕗᖅ 1932ᒥ ᒥᑦᑎᒪᑕᓕᐅᓕᖅᑑᑉ ᐊᑭᐊᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᕐᖓᕐᓂᕆᔭᖓ ᑐᓴᐅᓯᕐᓇᖅᐳᖅ ᑲᑎᖃᑦᑕᕐᓂᖏᓐᓂᒃ ᐃᓄᐃᑦ, ᕼᐊᑦᓴᓐ ᐸᐃᒥ ᓂᐅᕕᕐᕕᖕᒥᙵᑦᑐᑦ, ᑑ-ᓚᐃᓐᑯᓐᓄᑦ ᓴᓇᔨᐅᔪᑦ, ᐊᒻᒪ ᐸᓖᓯᑦ. ᐅᖃᐅᓯᖃᓚᐅᖅᐳᖅ ᐸᓖᓯᑦ ᐊᐅᓚᖃᑦᑕᓕᓚᐅᕐᓂᖏᓐᓂᑦ ᐃᓄᐃ ᐊᖑᓇᓱᖕᓂᕆᕙᒃᑕᖏᓐᓂᒃ. ᐃᓐᓇᐃᑦ ᐊᐅᓚᑦᑎᔨᐅᕙᓚᐅᕐᒪᑕ in camps. ᐃᖅᑲᐅᒪᕗᖅ ᐃᓚᖏᑦ ᓅᓚᐅᖅᑐᑦ ᓄᓇᓕᖕᒧᑦ ᕿᑐᕐᖓᖏᑦ ᐃᓕᓐᓂᐊᕆᐊᖃᓕᕐᒪᑕ. ᓴᖅᑭᔮᖅᑎᒻᒪᕆᒃᐹ ᕿᒻᒦᑦ ᐱᒻᒪᕆᐅᓂᖏᑦ ᐃᓄᐃᑦ ᐆᒪᐃᓐᓇᕈᓐᓇᕐᓂᖏᓐᓄᑦ. ᑭᖑᓪᓕᕐᒥ ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐊᑐᓚᐅᖅᑕᒥᓂᒃ ᐃᒪᖃᖅᖢᑎᒃ ᑎᒥᓂᒃ ᐊᓯᐊᓄᐊᖅᑎᕆᔭᕆᐊᖃᕐᓂᕆᓚᐅᖅᓯᒪᔭᒥᓂᒃ. ᐱᖓᓱᓂᒃ ᐱᓕᕆᖃᑎᖃᖅᖢᓂ ᑎᒥᓂᒃ ᓅᑎᕆᑎᑕᐅᓚᐅᖅᓯᒪᖕᒪᑕ ᕼᐊᒻᓚᒃᑯᓐᓂᑦ ᐃᒡᓗᒃᓴᓕᐅᕐᕕᓕᐅᕈᓐᓇᖁᓪᓗᒋᑦ ᓄᓇᖠᖕᓂ 1964ᖑᑎᓪᓗᒍ. ᐃᖅᑲᐅᒪᕗᖅ ᐃᑲᔪᖅᑕᐅᓚᐅᙱᑦᑕᕆᐊᒃᓴᖅ. ᐃᖅᑲᐅᒪᕗᕐᓗ ᑐᐊᕕᖅᓱᐊᖑᓪᓗᑎᒃ ᑭᓯᐊᓂᓗ ᑎᒥᓂᒃ ᐊᓯᕈᓗᐊᖅᑕᐃᓕᒪᓇᓱᓚᐅᖅᑐᑦ. ᑕᒪᓐᓇ ᑕᐅᑐᖅᑰᖅᑕᕇᓐᓇᐅᔭᖅᐹ ᐋᓐᓂᖅᓯᒪᓐᓇᕆᓪᓗᓂᐅᒡᓗ. ᑕᐃᒃᑯᐊ ᐊᖑᑎᑦ ᑎᓴᒪᑦ ᐱᓕᕆᔪᑦ ᐊᑭᓕᖅᑕᐅᓚᐅᖅᓯᒪᙱᓚᑦ.