ᔨᕐᒪ ᐱᐊᓪᓚᒃ

ᔨᕐᒪ ᐱᐊᓪᓚᒃ ᐃᓅᓚᐅᕐᓯᒪᔪᖅ 1935ᖑᑎᓪᓗᒍ ᓇᐅᔮᓂ ᒫᓐᓇᓗ ᓴᓂᕋᔭᖕᒥᐅᑕᐅᓕᕐᑐᖅ. ᐅᓂᒃᑳᕐᑐᖅ ᓄᓇᒥᓂ ᐃᓅᓯᕆᓚᐅᕐᑕᒥᓂᒃ, ᐆᒪᔪᕈᓯᓂᒃ, ᕿᒻᒥᓂᒃ ᐱᕈᕐᓴᐃᔾᔪᓯᓂᒃ ᐊᒻᒪ ᐃᓄᐃᑦ ᐃᓚᑖᖅᐸᓪᓕᐊᓚᐅᕐᓂᖏᓐᓂᒃ ᐅᓇᓕᒃᓴᑦ ᓈᓚᕝᕕᖏᓐᓂᒃ ᖃᓪᓗᓈᓪᓗ ᐃᓄᒻᒪᕆᐅᓐᖏᑦᑐᑦ ᑎᑭᑉᐸᓪᓕᐊᓂᒥᓂᖏᓐᓂᒃ. ᐃᖅᑲᐅᒪᓪᓗᓂ ᐃᓄᐃᑦ ᐅᖃᐅᔾᔪᖅᑕᐅᕙᓚᐅᕐᖓᑕ ᕿᒻᒦᑦ ᐱᑐᒃᓯᒪᖁᔭᐅᓪᓗᑎᒃ ᐊᒻᒪ ᓈᓚᒃᑏᑦ ᐊᑦᑕᕐᕕᖓᓄᑦ ᖃᓂᓪᓕᖁᔭᐅᒐᑎᒃ. ᐃᖅᑲᐅᒪᒋᓪᓗᓂ ᐊᑕᐅᓯᐊᕋᓗᐊᕐᑐᓂ ᐋᓐᓂᐊᔪᒻᒪᕆᐅᓚᐅᕐᓯᒪᒐᒥ ᑎᒥᖓᑕᓗ ᓱᑲᖓᔪᐊᓘᔮᓕᕐᑐᓂ ᐱᓱᒃᑐᓂ ᐃᓄᑑᓪᓗᓂ. ᐅᓪᓗᓕᒫᑦᓯᐊᖅ ᐊᖏᕐᕋᕋᓱᒃᑐᒥᓂᐅᓪᓗᓂ. ᐃᖅᑲᐅᒪᑦᓯᔪᖅ ᐊᓐᖓᖓ ᑕᐃᒫᑦᓴᐃᓐᓇᖅ ᐋᓐᓂᐊᓕᓚᐅᕐᓂᕐᖓᑦ ᑭᖑᓂᑦᓯᐊᖓᒍᓪᓗ ᐃᓅᔪᓐᓃᕐᑐᒥᓂᐅᓪᓗᓂ.